Црна хроника
СВР Охрид потврди дека телото е на исчезнатата тинејџерка

Охридската полиција во петокот околу пладне официјално потврди дека пронајденото тело пред два дена кај Велмеј, припаѓа на девојчето кое беше пријавено за исчезнато пред неполни два месеца.
„Официјално можам да потврдам дека пронајденото тело припаѓа на девојчето кое беше пријавено во СВР Охрид за исчезнато на 12 ноември 2013 година“, изјави за Макфакс портпаролот на охридската полиција Стефан ДимовскиТој рече дека сè уште не се познати точните причини за смртта на девојчето, а најави дека во текот на денот ќе одржи прес конференција, на која ќе бидат објавени повеќе детали за целиот случај.Претходно од охридската полиција изразија незадоволство од, како што рекоа, некоректно известувањето на дел од порталите, кои без официјална потврда, го објавија името на починатото девојче. Инаку, на 12 ноември било пријавено исчезнување на Маја Блажевска од селото Лешани. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.