Црна хроника
Дванаесетгодишник во САД со сачмарка тешко рани двајца соученици

Дванаесетгодишно момче со скратена сачмарка тешко рани двајца свои соученици пред еден од учителите да го наговори да ја го спушти оружјето, ноќта кон средата по македонско време, во гратчето Росвел со 48 илјади жители во сојузната американска држава Њу Мексико.
Како што соопштила полиција, во последната од серијата пукања во американските училишта кои што и враќаат болните спомени од минатогодишните масакри, 12 годишното момче е задржано во притвор и е испратено на психијатриско набљудување.
Едно до ранетите деца, 11-годишно момче и натаму е во критична состојба поради тешките повреди во вратот и на главата, додека 13-годишното девојче рането во рамето е во стабилна состојба, пишуваат локалните медиуми.
Момчето напаѓач сачмарката ја внел во училиштето криејќи ја во ранецот со училишен прибор, но засега не се откриваат мотивите за нападот, а се претпоставува дека цел на истрелите било токму ранетото момче.
Станува збор за второ пукање во основно училиште во САД во последните неколку месеци, откако кон крајот на ланскиот октомври во градот Спаркс во сојузната држава Невада, кога исто така 12-годишник го уби наставникот и рани двајца свои соучесници.
Градот Росел, инаку е познат во светот по тоа што, наводно во 1947 година во неговата околина паднале еден вселенски неидентификуван летечки објект (НЛО)./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Нападнат ученик од основно училиште во Свети Николе

Полицијата поднесе известување против малолетник од Свети Николе поради постоење насилство врз дете.
Како што соопшти МВР, на 4 јуни во основно училиште во светиниколско село, пријавениот физички нападнал ученик од истото училиште и му нанел телесни повреди.
Црна хроника
Женa во Кисела Вода чистела стара куќа и нашла лименки со натпис „топовски удар“, имало и фитили

Во Скопје, на подрачјето на Кисела Вода, 65-годишна жена при чистење на напуштена куќа што припаѓа на нејзините родители пронашла две лименки завиткани со селотејп. На лименките имало натпис „топовски удар“ и биле поставени фитили.
Жената случајот го пријавила во полицијата на 15 октомври. По пријавата, на местото излегле полициски службеници кои ги подигнале предметите за понатамошна постапка.
Според МВР, се преземаат мерки за расчистување на случајот.
Црна хроника
Пензионер од Струмица пукал со воздушна пушка кон бензинска пумпа

Полицијата од Струмица поднесе кривична пријава против П.Ж.(71) од овој град поради предизвикување општа опасност.
„На 12.10.2025 околу 16:00 часот, пријавениот со воздушна пушка пукал во правец на бензинска пумпа, каде што биле складирани боци со плин“, соопшти МВР во дневниот полициски билтен.