Црна хроника
Ново пукање на универзитет во САД, еден убиен
Еден човек е убиен во нападот на вооружен маж во кампусот на Универзитетот Пардју во американската сојузна држава Индијана, пренесува Associated Press.
Полицијата го уапсила осомничениот за нападот, изјавил за агенцијата шефот на полицијата на кампусот, Џон Кокс. Според него, вооружениот маж со намера стрелал врз лице во аулата на еден од објектите на универзитетот и потоа ѝ се предал на полицијата. Кокс не дал информации за други настрадани, но додал дека приведениот не соработува со истражните органи.
„Човекот влегол во зградата и го сторил дејствието, а потоа, како што засега ни е познато, веднаш ја напуштил зградата не преземајќи нито повеќе“, рекол Кокс. Додал дека сѐ уште се утврдуваат идентитети на застреланиот и на уапсениот.
Според американската телевизиска мрежа CBS News, пукањето се случило во вторникот во 12,30 часот по локално време на територијата на универзитетот во градот Вест-Лафајет, за што била објавена информација на акаунтот на Twitter на Универзитетот Пардју. Сите коишто во тој момент се наоѓале во кампусот биле предупредени веднаш да „најдат најблиско засолниште“. По потрагата од просторија во просторија во зградата на електротехничкиот факултет „Нил Армстронг“, полицијата привела едно лице и по два часа било соопштено дека универзитетот работи во вообичаениот режим./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.