Црна хроника
Кривични пријави за четири лица кои продавале петарди во Куманово

Четворица кумановци заработија кривична поради основано сомневање за кривично дело „недозволено изработување, држење и тргување со оружје или распрскувачки материи“, односно продажба на пиротехнички материјали и петарди на плоштадот во Куманово, соопштуваат од Министерството за внатрешни работи.
На 26.12.2013 година на импровизирана тезга на градскиот плоштад во Куманово С.С.( 21 ) од Куманово е затекнат додека врши продажба на пиротехнички материјал при што од му се одземени 132 парчиња петарди, што ги набавила од непознато лице од Скопје.
СВР Куманово поднесе кривична пријава и против Ш.С.(33) од Куманово за истото кривично дело откако на 26.12.2013 пријавениот бил затекнат додека врши продажба на пиротехнички материјал при што од него се одземени 733 парчиња петарди, што ги набавил исто така од непознато лице од Скопје.
Кривична пријава заработи и С.М.(41) од Куманово за продажба на пиротехнички материјал при што на 31.12.2013 од него се одземени 101 парчиња петарди.
За продажба на петарди со Кривична ќе се соочи и И.М.(21) од Куманово кој на 31.12.2013 година, на импровизирана тезга на градскиот плоштад во Куманово е затекнат додека врши продажба на пиротехнички материјал при што од него се одземени 4.504 парчиња петарди, што ги набавил во Скопје./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Маж ја тепал бремената сопруга: јa притискал за вратот и ја удирал главата од креветот

Јавен обвинител од Основното јавно обвинителство Скопје поведе постапка против државјанин на Република Хрватска, кој е осомничен за кривично дело – Телесна повреда од член 130 став 2 во врска со став 1 од Кривичниот законик.
При вршење семејно насилство во домот во Скопје тој телесно ја повредил неговата сопруга. Најпрво почнал да и се обраќа на висок тон, а потоа физички ја нападнал удирајќи ја со тупаници и шлаканици по главата и телото. Потоа продолжил силно да ја притиска за вратот, иако знаел дека е во петтиот месец од бременост. Во еден момент ја зграбил и насилно ја фрлил во креветот, по што и ја удирал главата од ивицата на креветот. Престанал кога оштетената започнала да крвари, по што жртвата успеала да се засолни во тоалетот и да повика полиција и брза помош.
Осомничениот слушнал дека повикува помош, по што го напуштил станот. Кај оштетената била констатирани бројни повреди на главата, но и на плацентата во која е сместен плодот.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Црна хроника
Тешко повреден 15-годишник од Канада: со мопед удрил во лисица во Охридско и паднал

Денеска (29.08.2025) околу 03:30 часот во СВР Охрид e пријавено дека на ул.„Радојца Новичиќ“ во Охрид, 15-годишен малолетник од Канада, a со престој во с.Долно Лакочереј, охридско, управувајќи мопед „априлија“ со охридски регистарски ознаки, удрил во лисица и паднал на коловозот.
Во несреќата со тешки телесни повреди се здобил малолетниот возач, констатирани во Специјалната болница „Св.Еразмо“ во Охрид.
Извршен бил увид од увидна екипа од СВР Охрид.
Црна хроника
Пушка, пиштол и куршуми пронајдени во напуштен објект во Чаир

Вчера во 15:54 часот во СВР Скопје, Б.Ѓ. пријави дека на подрачјето на Чаир, во помошен објект на напуштена куќа на нејзината мајка, пронашла автоматска пушка, соопшти полицијата.
Според пријавеното, таа го повикала соседот за да проверат што има друго внатре во помошниот објект, при што дошол синот на соседот, ја турнал Б.Ѓ., ја зел пушката и избегал.
По извршен претрес и дополнителни проверки од страна на полициски службеници, во објектот се пронајдени уште една пушка, пиштол и куршуми.
Се преземаат мерки за расчистување на случајот.