Полицијата спречи криумчарење на 14 мигранти од Еритреја, Сирија и Авганистан во два одвоени случаи во Гевгелија.

Во саботата околу 21 часот полицијата запрела автомобил „нисан“ со бугарски таблички сопственост на бугарска фирма од Петрич на граничниот премин Богородица. Во автмобилот биле затекнати пет мигранти од Еритреја. По извршениот разговор, полицијата добила сознание дека Д.Д. (33) од Неготино, по претходен договор со Т.В.Џ. (34) за сума од 100 евра ги презел мигрантите на стариот пат за село Богородица за влез во Гевгелија. И двајцата сторители се во притвор, а против нив е поднесена кривична пријава за „криумчарење мигранти“, а мигрантите се сместени во прифатен центар за странци во Скопје.

Покрај овој случај Oдделението за прекуграничен криминал и миграции поднесе кривична пријава и против лицата А.Б. (23) од село Здуње, гостиварско, Е.А. (22) од село Врбјани, мавровско, Е.Б. (20) од село Балин Дол гостиварско и Н.А. (21) од село Врбјани, мавровско, поради постоење основано сомнение дека сториле кривично дело „криумчарење мигранти“.

Имено, на ден 14 овој месец околу 23.00 часот кај Казино Сенатор во близина на локалниот пат Гевгелија-Богородица пријавените по претходен договор со две возила „опел омега“ и „фолксваген кеди“ двете со госитварски регистарски таблички управувани од Е.А. и Н.А. заминале до Гевгелија, каде што прво и второпријавениот прифатиле, а потоа во возило „опел омега“ превезувал двајца мигранти, сириски државјани, а пак Н.А. и Е.Б. во второто возило прифатиле и превезувале девет мигранти од кои петмина државјани на Сирија а четворица државјани на Авганистан., кои што ги оставил на регионалниот пат Гевгелија-Богданци кај месноста „Краварски пат“, претходно избегнувајќи полициска контола на „Раскрсница Богородица“, каде што полициски службеници го сопреле првото возило („опел омега“)

Прво и второпријавениот се лишени од слобода, додека Е.Б. е приведен наредниот ден (15.02.), а за четвртопријавениот Н.А. е распишан централен распис. Мигрантите се сместени во прифатен центар за странци во Скопје.крај/мф/сд