Црна хроника
Фирма од Радовиш оштетила 2.024 тутунари за педесет милиони денари
Фирма од Радовиш откупила 310.300 килограми тутун од 2.024 тутунопроизводители, а исплатата од околу 50 милиони денари никогаш не ја извршила. Фирмата ДПТУ ’Томи-Мит Јака Тобако’ имала забрана за откуп на тутун, но вработена во Министерството за земјоделство му овозможила да ги склучи договорите, соопшти Министерството за внатрешни работи.
Во периодот од 09 до 21 јануари годинава, С.М. (62) од Скопје, сопственик и управител на правното лице ДПТУ ‘Томи-Мит Јака Тобако’ во својство на откупувач склучил договори со 2.024 тутунопроизводители од општините Радовиш, Конче, Струмица, Василево и Штип, при што откупил 310.300 килограми тутун во вредност од 49.833.462 денари кои не ги исплатил во договорениот рок согласно обврските.
Иако правното лице не ги исполнувало условите и имало забрана за вршење на откуп на тутун, К.Т. (52) од Кочани вработена во Министерство за земјоделство, шумарство и водостопанство ја повлекла забраната за откуп со што му овозможила на правното лице да ги склучи договорите и да се стекне со значителна имотна корист.
Секторот за внатрешни работи Радовиш поднесе кривична пријава против правното лице и против С.М. за сторено кривично дело „измама”, С.М.(62) од Скопје за сторени кривични дела „измама” и „злоупотреба на службената положба и овластување” и против К.Т. (52) за сторено кривично дело „злоупотреба на службената положба и овластување”.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повреден маж, со трактор излетал од патот Радовиш – село Ињево
Вчера во 12.30 часот во Полициската станица Радовиш било пријавено дека на регионален пат Радовиш – село Ињево, радовишко, трактор „имт 539“ со радовишки регистарски ознаки, управуван од 71-годишниот В.Т. од село Ињево, излетал надвор од патот, извести МВР.
„Во несреќата со тешки телесни повреди се здобил возачот, констатирани во Медицински центар Штип“, соопшти МВР.
Увид на местото на несреќата извршила екипа на Полициската станица Радовиш.
Црна хроника
20-годишник со „пежо“ удрил во оградата од касарната „Мирче Ацев“ во Прилеп, четворица повредени
Вчера во 23.40 часот во ОВР Прилеп било пријавено дека на улицата „Васко Карангелески“ во Прилеп, патничко возило „пежо“ со прилепски регистарски ознаки, управувано од 20-годишниот А.Г. од Прилеп, удрило во оградата од касарната „Мирче Ацев“, извести МВР.
„Во несреќата со тешки телесни повреди се здобил малолетен сопатник од Прилеп, а со телесни повреди се здобиле возачот и двајца други малолетни сопатници од Прилеп, констатирани во болницата во Прилеп, сите од Прилеп“, извести МВР.
Извршен бил увид од увидна екипа од ОВР Прилеп.
Црна хроника
Велешанец тешко повреден во сообраќајна несреќа, управувајќи мопед, паднал на коловозот
Вчера во 03.30 часот на крстосницата од улиците „Борис Трајковски“ и „Кумановска“ во Велес, 33-годишниот М.М. од Велес, управувајќи мопед со велешки регистарски ознаки, паднал на коловозот, извести МВР.
Во несреќата со тешки телесни повреди се здобил возачот на мопедот, констатирани во болницата во Велес. Увид на местото на несреќата извршила увидна екипа од СВР Велес, соопшти МВР.