Црна хроника
Фирма од Дојран затаила данок од осум милиони денари
Двајца управители на фирма од Дојран затаиле данок од над осум милиони денари во периодот од 2009 до 2012 година, соопшти Министерството за внатрешни работи.
К.К. (55) од село Николиќ, Стар Дојран и В.Т. (56) од Нов Дојран, управители на АД Дојран во период од 2009 до 2012 година, како одговорни лица во наведената фирма, давале лажни податоци за приходите од работењето со што избегнале да платат ДДВ, персонален данок и данок на добивка во вкупен износ од 8.190.698 денари на штета на буџетот на РМ.
Полицијата против наведеното правно лице поднесе кривична пријава за сторено кривично дело „даночно затајување”.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повреден маж, со трактор излетал од патот Радовиш – село Ињево
Вчера во 12.30 часот во Полициската станица Радовиш било пријавено дека на регионален пат Радовиш – село Ињево, радовишко, трактор „имт 539“ со радовишки регистарски ознаки, управуван од 71-годишниот В.Т. од село Ињево, излетал надвор од патот, извести МВР.
„Во несреќата со тешки телесни повреди се здобил возачот, констатирани во Медицински центар Штип“, соопшти МВР.
Увид на местото на несреќата извршила екипа на Полициската станица Радовиш.
Црна хроника
20-годишник со „пежо“ удрил во оградата од касарната „Мирче Ацев“ во Прилеп, четворица повредени
Вчера во 23.40 часот во ОВР Прилеп било пријавено дека на улицата „Васко Карангелески“ во Прилеп, патничко возило „пежо“ со прилепски регистарски ознаки, управувано од 20-годишниот А.Г. од Прилеп, удрило во оградата од касарната „Мирче Ацев“, извести МВР.
„Во несреќата со тешки телесни повреди се здобил малолетен сопатник од Прилеп, а со телесни повреди се здобиле возачот и двајца други малолетни сопатници од Прилеп, констатирани во болницата во Прилеп, сите од Прилеп“, извести МВР.
Извршен бил увид од увидна екипа од ОВР Прилеп.
Црна хроника
Велешанец тешко повреден во сообраќајна несреќа, управувајќи мопед, паднал на коловозот
Вчера во 03.30 часот на крстосницата од улиците „Борис Трајковски“ и „Кумановска“ во Велес, 33-годишниот М.М. од Велес, управувајќи мопед со велешки регистарски ознаки, паднал на коловозот, извести МВР.
Во несреќата со тешки телесни повреди се здобил возачот на мопедот, констатирани во болницата во Велес. Увид на местото на несреќата извршила увидна екипа од СВР Велес, соопшти МВР.