Црна хроника
Возач пробил рампа на Табановце откако не му бил дозволен влез во државата
Педесетгодишен возач ја пробил рампата на граничниот премин Табановце откако не му бил дозволен влез поради носење поголема количина техничка стока која подлежи на царинење, соопшти Министерството за внатрешни работи.
Инцидентот се случил во четврток кога А.Р. со возило „опел вектра” со германски национални ознаки пристигнал на ГП Табановце и откако цариниците не му дозволиле влез во државата, А.Р. ги оштетил рампата за пасошката контрола и рампата за царинска контрола и избегал во правец на Куманово.
Од страна на мобилна царина на наплатната рампа „Романовце” Куманово, А.Р. и неговата сопруга М.Р. од Штип, која била со него во автомобилот, биле спроведени до ГП „Табановце” за понатамошна постапка.
По целосно расчистување на случајот против А.Р. и М.Р. поднесени се платни налози за сторен прекршок.крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повреден маж, со трактор излетал од патот Радовиш – село Ињево
Вчера во 12.30 часот во Полициската станица Радовиш било пријавено дека на регионален пат Радовиш – село Ињево, радовишко, трактор „имт 539“ со радовишки регистарски ознаки, управуван од 71-годишниот В.Т. од село Ињево, излетал надвор од патот, извести МВР.
„Во несреќата со тешки телесни повреди се здобил возачот, констатирани во Медицински центар Штип“, соопшти МВР.
Увид на местото на несреќата извршила екипа на Полициската станица Радовиш.
Црна хроника
20-годишник со „пежо“ удрил во оградата од касарната „Мирче Ацев“ во Прилеп, четворица повредени
Вчера во 23.40 часот во ОВР Прилеп било пријавено дека на улицата „Васко Карангелески“ во Прилеп, патничко возило „пежо“ со прилепски регистарски ознаки, управувано од 20-годишниот А.Г. од Прилеп, удрило во оградата од касарната „Мирче Ацев“, извести МВР.
„Во несреќата со тешки телесни повреди се здобил малолетен сопатник од Прилеп, а со телесни повреди се здобиле возачот и двајца други малолетни сопатници од Прилеп, констатирани во болницата во Прилеп, сите од Прилеп“, извести МВР.
Извршен бил увид од увидна екипа од ОВР Прилеп.
Црна хроника
Велешанец тешко повреден во сообраќајна несреќа, управувајќи мопед, паднал на коловозот
Вчера во 03.30 часот на крстосницата од улиците „Борис Трајковски“ и „Кумановска“ во Велес, 33-годишниот М.М. од Велес, управувајќи мопед со велешки регистарски ознаки, паднал на коловозот, извести МВР.
Во несреќата со тешки телесни повреди се здобил возачот на мопедот, констатирани во болницата во Велес. Увид на местото на несреќата извршила увидна екипа од СВР Велес, соопшти МВР.