Црна хроника
Пробиштипјанка лажно пријавила кражба на два златни прстена

СВР-Скопје до надлежното Основното јавно обвинителство ќе поднесе кривична пријава против 19-годишна девојка од Пробиштип поради основано сомнение за сторено кривично дело “лажно пријавување на кривично дело”, бидејќи таа на 7-ми овој месец лажно пријавила кривично дело наводно извршено од страна на две непознати лица.
Имено, на посочениот датум пријавената се јавила во Центарот за известување и команда и лажно пријавила дека истиот ден околу 18,30 часот од страна на две непознати лица на подрачје на Гази Баба пред продавницата за авто делови “Оптикооп”, извршено и е „разбојништво” при што и’ се одземени два златни прстена и околу 200 денари.
Со цел утврдување на фактичката состојба полициските службеници од ОИД – отсек разбојништва во консултација со ЈО презедоа низа мерки и активности при што обезбеден е прегледан и анализиран видео записот од безбедносните камери поставени на објектот од продавницата за автоделови „Оптикооп” при што утврдено е дека девојката со иницијали О.П. на тоа место и во тоа време била сама и дека врз неа не е извршено кривично дело „разбојништво”.
По извршениот преглед и анализа на видео записот од безбедносните камери во ПСОН Гази Баба извршен е службен разговор во кој О.П. го признала делото, при што појаснила дека лажно пријавила кривично дело со цел да не дознае нејзината мајка дека парите кои претходно и’ биле дадени за да ги уплати во авто школа за полагање возачки испит ги потрошила за други потреби, а додека златните прстени ги продала во златарница во Скопската чаршија и парите ги уплатила во авто школата./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Беровец од погребално претпријатие пријавен дека во депонија фрла и закопува остатоци од починати лица, МВР го расчистува случајот

Пред два дена во полицијата во Берово било пријавено дека на место викано „Црвени брегови“, атар на Берово, бил забележан лиценциран извршител за погребални услуги во општината како на градежна депонија фрла и закопува остатоци од починати лица, извадени од градските гробишта во Берово.
„Веднаш по добиената пријава, во консултација со јавен обвинител и во содејство со ракувач со работна машина багер од јавното претпријатие за комунални работи во Берово, било извршено пребарување на посоченото место и на пошироката околина, но не биле пронајдени предмети кои потекнуваат од кривично дело, туку биле пронајдени само остатоци од градежен шут и остатоци од отпад.
По дополнително преземени мерки и по извршени разговори во ОВР Берово било дојдено до сознание дека лиценцираниот извршител на погребални услуги во повеќе наврати вршел ископување на стари гробови и ги фрлал остатоците од починатите лица на друга локација. Додека, подоцна, по овластување на јавен обвинител, бил извршен увид на гробиштата во селото Смојмирово и на удолницата на јужната страна биле пронајдени пет коски кои наликуваат на коски од човек“, велат од МВР.
По целосно расчистување и документирање на случајот, ќе биде поднесена соодветна пријава.
Топ
Работниците копале дупка за шахта и нашле коски во дворот на амбулантата во Илинден

Коски биле најдени за време на ископ на дупка за шахта, во дворот од амбулантата во населбата Илинден.
„Амбулантата во моментов се реновираа, а при ископот најдени се коски, слични на човечки“, информираа од МВР.
Коските биле дадени во Институтот за судска медицина за обдукција.
Се преземаат мерки за расчистување на настанот.
Црна хроника
(Видео) Кавадарчанец со „бмв“ дрифтал на улиците, МВР му го одзеде возилото поради создавање бучава

Полицијата запре „бмв“ управувано од Р.С. од Кавадарци и привремено го одзеде поради создавање на бучава.
Според информацијата на полицијата, возачот бил сопрен поради претходна објава на социјалната мрежа Инстаграм, на која се гледа дека го управува возилото со нагло зголемување на брзина, со што предизвикува пролизгување на погонските тркала и создавање бучава.
Во станица за технички преглед било извршено мерење на бучава и утврдено дека е над дозволената, велат од МВР.
Возилото е привремено одземено на период од 90 дена.