Тринаесет лица се повредени во шеснаесет сообраќајни незгоди што се случиле во текот на изминатиот викенд на подрачјето на Град Скопје, соопшти Министерството за внатрешни работи. Во нив тринаесет лица се здобиле со телесни повреди.

Во саботата, сообраќајната полиција извршила увид на вкупно девет сообраќајни незгоди. Од нив, шест завршиле само со материјална штета, а во две имало повредени лица, односно со телесни повреди се здобиле еден возач на моторно возило, еден пешак и двајца сопатници.

Се случила и една незгода со тешки телесни повреди. Истата се случила околу 2 часот и 15 минути во саботата на крстосницата од ул. „11 Октомври” и ул. „Филип Втори Македонски” во која учествувале две патнички моторни возила „БМВ” и „голф” и двете возила со скопски регистарски таблички, управувани од граѓани на Скопје. Од незгодата со тешки телесни повреди се здобил сопатникот од „голфот” (28), а со телесни повреди се здобиле двајцата возачи на моторните возила.

На 27-ми април, недела, се случиле седум сообраќајни незгоди. Од нив, три завршиле со последица материјална штета и четири со последица телесна повреда во кои биле повредени еден возач на моторно возило, еден сопатник во патничко моторно возила, двајца возачи на мотоцикли и двајца сопатници на мотоцикли.

Во текот на изминатиот викенд од страна на сообраќајната полиција откриени и санкционирани се тројца возачи кои ги управувале своите возила под дејство на алкохол и истите се исклучени од сообраќај, четворица возачи коишто не ги почитувале светлосните сообраќајни знаци на крстосниците и пет возачи кои ги управувале своите возила без возачка дозвола.

За денеска нема најавено вонредни настани со што се очекува сообраќајот да се одвива тековно според постоечката сообраќајна регулатива.крај/мф/сд