Министерството за внатрешни работи информираше дека за време на безредијата во скопската населба Ѓорче Петров кои избувнаа поради револт на граѓаните за убиството на матурантот Ангел П., органите на безбедноста привеле 18 лица од кои пет се малолетни а останатите се лица до 36 годишна возраст.

Приведените веднаш биле префрлени во полициска станица во Скопје и им биле изречени парични казни за извршена материјална штета.

Истражните органи ги разгледуваат сите докази и видеоснимки направени од камерите за видео надзор на очната болница во населбата Ѓорче Петров со цел да се препознаат евентуално и други прекршители на јавниот ред и мир, но и да се утврди дали за време на нередите се направени кривични дела. за што од Основното јавно обвинителство ќе бидат поднесени и кривични пријави.

Од Министерството за внатрешни работи информираа дека имаат поседуваат сознанија добиени од социјалните мрежи дека поголема група лица се организираат и во текот на вторникот да излезат и да организираат нови протести во населбата Ѓорче Петров./крај/мф/ап