Црна хроника
Осуден за 1.137 силувања на ќерката

Таткото на пет деца е осуден за речиси секојдневно силување на ќерката во текот на неколку години, објави во вторникот судот во австриската престолнина Виена.
Судот на седум години затвор го осудил 40-годишникот за тешко сексуално злоставување на малолетничка, инцест и злоупотреба на моќта.
Жртвата, денес на 15-годишна возраст, го пријавила таткото, инаку државјанина на Германија во полицијата во Виена во октомври 2013 година.
Сведочела дека ја силувал 1.370 пати од 2009 година, кога целото семејство живеело во германската сојузна земја Северна Рајна Вестфалија. Тврди дека силувањата се случувале секојдневно, освен во текот ан одморите и кога била на училишните екскурзии. Примероците од ДНК ги потврдиле нејзините тврдења.
Виенскиот суд го осудил силувачот само за злосторствата сторени од 2010 година кога семејството се преселило во Австрија.
Германското правосудство во моментов разгледува дали ќе го обвини таткото, изјавила адвокатката на жртвата, пренесува агенцијата DPA./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен кумановец, насилно влегувал во цркви и крадел пари

Вчера во 14:45 часот во Куманово, полициски службеници од СВР Куманово го лишиле од слобода 28-годишниот Н.А. од Куманово.
Тој се сомничи дека на 24.08.2025 со употреба на сила влегол во црквата „Св. Троица“ во село Љубодраг, кумановско и одзел пари, додека на 28.08.2025 од црквата „Св. Петка“ во населбата Бедиње во Куманово, со употреба на сила се обидел да одземе пари од касата.
Н.А. бил приведен во полициска станица и во службен разговор ги признал делата.
Одземеното било пронајдено и вратено на сопственикот и по целосно документирање на случајот, против него ќе биде поднесена соодветна пријава.
Црна хроника
Скопската полиција синоќа констатираше 128 сообраќајни прекршоци, 94 возачи на мотоцикл, уапсено едно лице, пронајден кокаин

Во текот на изминатата вечер во периодот од 17.00 до 01.00 часот од страна на Одделението за безбедност на патниот сообраќај при СВР Скопје беше спроведена засилена акциска контрола по Оперативната акција „Безбеден сообраќај“. При тоа за време на контролата акцентот беше ставен на учесниците во сообраќајот кои управуваат мотоцикли, велат од МВР.
„За време на контролата биле преземени мерки против 128 учесници во сообраќајот, од кои 94 за возачи на мотоцикли, 16 санкции за управување мотоцикл без возачка дозвола, 46 мерки за управување мотоцикли без заштитна кацига, 17 санкции за возење без положен испит за познавање на сообраќајните правила и прописи, шест мерки за управување мотоцикл без да поседува соодветна категорија, пет санкции за измината важност на сообраќајната дозвола, две мерки за непропуштање на пешаци на пешачи премин…
За време на сообраќајната контрола по Оперативната акција „Безбеден сообраќај“, полициски службеници го лишиле од слобода Д.Љ. бидејќи при извршен преглед кај него бил пронајден кокаин. Санкционирани се и 10 возачи за возење без возачка дозвола на патнички и товарни моторни возила, а изречени се и две мерки за возење под дејство на алкохол и една санкција за незастанување на даден знак СТОП од страна на униформирани полициски службеници.
Акциските контроли во рамки на оперативната акција ќе продолжат и во наредниот период со засилен интензитет. Апелираме до сите учесници во сообраќајот да ги почитуваат сообраќајните правила и прописи и со тоа да придонесеме за побезбедни патишта“, соопштуваат од МВР.
Црна хроника
Со мопед удрил во 13-годишен пешак и побегнал

Синоќа околу 21:10 часот во СВР Куманово, е пријавено дека на регионалниот пат с.Лојане-Граничен премин Миратовац, кај с.Лојане, општина Липково, мопед удрил во 13-годишник од с.Лојане, општина Липково по што возачот со мопедот го напуштил местото на настанот.
Во несреќата со тешки телесни повреди се здобил малолетникот, констатирани во Општата болница Куманово.
Извршен бил увид од увидна екипа од СВР Куманово и се преземаат мерки за пронаоѓање на возачот на мопедот.