Црна хроника
Крвава пресметка со нож во тетовско
По жестока вербална расправија, во петокот во с.Пршовце, со нож бил избоден 26 годишниот М.С. од Тетово во ресторанот „Калабрија“, по што со неколку убодни рани веднаш бил пренесен во Клиничкиот центар во Тетово , соопштуваат од Министерството за внатрешни работи на Република Македонија.
Сторител на нападот со нож бил 24 годишниот А.Ш. од с.Глоѓи, кој откако не успеал да изнајде решение по вербалната расправија посегнал по нож и му нанел на М.С. четири убодни рани.
М.С. е надвор о животна опасност, информираат од Клиничкиот центар во Тетово, од каде додаваат дека истиот е задржан во болницата за понатамошно лекување.
По преземените мерки од страна на полициските службеници, веднаш бил пронајден осомничениот за делото, А.Ш, и бил задржан во СВР Тетово за расчистување на случајот.
Од МВР најавија дека по целосно расветлување на инцидентот за сторителот ќе биде поднесена соодветна пријава./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.