Полицијата синоќа привела 31-годишен скопјанец поради неколку кражби во Чаир.

Приведениот М.Ф.(31) се сомничи дека извршил една тешка кражба од сендвичарница, при што одзел пари,  две кривични дела тешка кражба во обид, како и две кривични дела оштетување на туѓи предмети.

По целосно документирање на случајот против него ќе следи кривична пријава.

83-годишна жена загина во пожар во нејзиниот дом во битолското село Жабени.

„На 17.1.2022 околу 16.00 часот В.Р.(59) од с.Жабени, Битолско, пријавил дека околу 15:30 часот во соба од куќа во с.Жабени настанал пожар, во кој од здобиените повреди починала неговата мајка М.Р.(83). Од страна на лекар од Итна медицинска помош била констатирана смрт“, велат од МВР.

Денеска (18.1.2022), во периодот од 10 до 14 часот спроведена е зајакната акциска контрола за санкционирање возачи што не даваат првенство на минување пешаци на територијата на СВР Тетово, при што се санкционирани 24 возачи. Од нив, 15 на тетовското и девет на поширокото гостиварско подрачје. На сите прекршители изготвени им се соодветни поднесоци.

МВР апелира до сите учесници во сообраќајот на ги почитуваат сообраќајните правила и прописи и заеднички да придонесат за побезбедни патишта.