Црна хроника
76-годишна жена заврши во полиција, предизвикала пожар палејќи сува трева

Седумдесет и шестгодишната Д.Ѓ. од Делчево вчера била приведена поради предизвикан пожар во индустриска зона во населбата Милково брдо.
Според информациите од Министерството за внатрешни работи (МВР), пожарот настанал во моментот кога осомничената го запалила сувата трева и насадот со сливи.
„Пожарот предизвикал значителна штета, но не се пријавени повредени лица. По преземените мерки и откривање на сите детали од инцидентот, полициските органи ќе поднесат соодветен поднесок“, велат од полицијата.
МВР информира дека активностите за целосно документирање на случајот се во тек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Трагедија во Прилепско: 13-годишно дете загина во судир на два мопеди во Лажани

Тринаесетгодишно дете го загуби животот, а 14-годишник е тешко повреден во тешка сообраќајна несреќа што се случила вчера утрината во прилепското село Лажани. Несреќата се случила околу 08:50 часот, при судир на два мопеда без регистарски таблички, марка бенели и пежо, управувани од малолетници, двајцата жители на истото село.
Како што соопшти Министерството за внатрешни работи, судирот се случил на локален пат, при што 13-годишниот возач починал од здобиените повреди. Смртта била констатирана во Градската болница во Прилеп. Вториот учесник во несреќата, 14-годишно момче, е хоспитализиран со тешки телесни повреди, но се наоѓа надвор од животна опасност.
На местото на настанот извршен бил увид од јавен обвинител и увидна екипа од ОВР Прилеп. Телото на починатото дете е предадено на обдукција.
Црна хроника
Приведен крадец кој ограбувал каса во продажен објект

Кавадарчанец бил приведен но полиција откако бил фатен во обид за земе пари од каса во продажен објект, информираа денеска од Секторот за внатрешни работи Велес.
– Вчера попладне во 16.40 часот, полициски службеници од ОВР Кавадарци, го лишиле од слобода кавадарчанецот Ј.Ф.(22) , кој во продажен објект во градот бил фатен од вработен, во обид да одземе пари од касата во објектот. Ј.Ф. бил приведен во полициска станица и по документирање на настанот против него ќе биде поднесена соодветна пријава, соопштија од СВР Велес.
Црна хроника
Приведени Украинки, Србинки и Албанки во угостителски објект на патот Тетово-Гостивар

Ноќеска во периодот од 00.20 до 02.30 часот, полициски службеници од СВР Тетово, извршиле акциска контрола во угостителски објект со локација покрај патот Тетово-Гостивар при што биле пронајдени и приведени пет странски државјанки кои злоупотреба на туристичиот престој во земјава.
-При контролата на угостителскиот објект поради злоупотреба на туристичкиот престој, односно престојување во земјава спротивно на целта, биле приведени пет странски државјанки од Р.Украина, Р. Србија и Р.Албаниа, на возраст од 28 до 37 години, информираат од МВР.
Оттаму додаваат дека тие биле задржани во полициска станица за понатамошна постапка.