Црна хроника

88 санкции за брзо возење на автопатот Скопје-Тетово

Објавено пред

1 месец

- 24 јануари, 2021

Од

Мобилната единица за безбедност во сообраќајот при Министерството за внатрешни работи вчера (23.01.2021) спроведе засилена акциска контрола во областа на сообраќајот на автопатот Скопје-Тетово, при што санкционирани се 88 возачи кои возеле со брзина поголема од дозволената, соопшти денеска портпаролот на МВР Тони Ангеловски на прес конференција во Тетово.

„ Засилените контроли продолжуваат и денеска и во наредните денови и евидентно е дека имаме намалување на бројот на сообраќајни незгоди во периодот кога овие контроли се спроведуваат. Во ноември 2020 споредено со ноември 2019 имавме намалување од 21 отсто, а кога ќе ги споредиме декември 2020 со декември 2019 имаме намалување од 23 отсто на бројот на сообраќајни незгоди. Како резултат на преземените активности, 2020 година е со најниска бројка на жртви во сообраќајот во историјата на државата. Засилените сообраќајни контроли продолжуваат и во наредните денови. Апелираме граѓаните да ги почитуваат сообраќајните правила и прописи за да ја зголемиме безбедноста во сообраќајот“, рече Ангеловски.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Повреден рудар во Крива Паланка

Претходно

(Видео) Пронајдено оружје во Блаце кое потекнува од 2001 година

Топ

Во Тетово приведен наркодилер баран од германската полиција

Објавено пред

1 час

- 6 март, 2021

Од

Макфакс

Полицијата во Тетово приведе 30-годишен наркодилер по кого Интерпол Германија има распишано потерница.

Според информациите на МВР, вчера полициски службеници од Секторот за меѓународна полициска соработка- постапија по меѓународна потерница од Интерпол Германија и вo Тетово го уапсија К.И. (30) кој се барал за сторени кривични дела поврзани со трговија на голема количина на кокаин и марихуана на територијата на Германија.

За ова кривично дело според германскиот кривичен закон се предвидува максимална казна затвор од 15 години.

Лицето, според законската процедура, ќе биде испорачано на германската полиција.

Прикажи повеќе...

Црна хроника

Приведен криминалец осуден на седум и пол години затвор

Објавено пред

16 часа

- 5 март, 2021

Од

Макфакс

Приведен е криминалец кој бил осуден на седум и пол години затвор, информираа од Mинистерството за внатрешни работи.

Според информациите од таму, денеска околу 17 часот, во тетовското село Ратае, полициски службеници на секторот за меѓународна полициска соработка, со помош на полициски службеници од СВР Тетово, го привеле 41-годишниот С.М. од скопското село Коњаре.

Лицето, како што истакнуваат од МВР, билo осудено на седум и полгодишна затворска казна за сторени кривични дела тешка кражба, од Кривичниот законик.

„По приведувањето, реализирано со судска наредба, С.М. ќе биде спроведен во затворот ‘Идризово’ во Скопје за издржување на казната“, велат од МВР.

Прикажи повеќе...

Црна хроника

Беровци во продавница правеле прослава, пријава за 14 лица

Објавено пред

22 часа

- 5 март, 2021

Од

Макфакс

Полицијата поднесе кривична пријава против 14 лица од беровското село Двориште затоа што за Стара Нова година, односно Василица, биле затекнати на прослава во продавница.

Според информациите на МВР, кривична пријава е поднесена против Ј. К. (40), Х. М. (21), К. С. (41), Д. К. (54), Д. М. (43), С. К. (37), З. Ч. (40), Т. К. (31), П. К. (58), Б. П. (30), Б. К. (25), Н. Џ. (22), Д. Џ. (26) и Т. К. (40), сите од село Двориште, Беровско, за непостапување според здравствените прописи за време на епидемија.

„Пријавените, на 13 јануари, околу 1 часот по полноќ, во продавница во селото Двориште организирале прослава во затворен простор, со што постапиле спротивно на здравствените прописите со кои се определуваат мерки за сузбивање или спречување ширење на заразната болест Ковид-19“, соопшти МВР.

Прикажи повеќе...