Црна хроника
Двајца скопјани и дебранец пријавени за трговија со дроги
Министерството за внатрешни работи, во два одделни случаи, поднесе кривични пријави против двајца жители на Скопје и еден Дебар за препродавање хероин и марихуана, на кои веќе им е одреден притвор во траење од 30 дена
Кривичните пријави се поднесени поради сомневања дека сториле кривично дело „неовластено производство и пуштање во промет наркотични дроги, психотропни супстанци и прекурсори“. Во првиот случај скопската полиција добила сознанија дека 52-годишниот Н.И и 32-годишната А.М. од Скопје, во нивниот заеднички дом во скопската населба Гази Баба подолг период продаваат хероин, по што биле преземени мерки и активности за обезбедување материјални докази. Притоа е дојдено до сознание дека пријавените во текот на јуни од засега непознато лице, набавиле поголемо количество хероин, ја препакувале дрогата за улична продажба и по претходен телефонски договор со корисници им ја продавале од дома, каде што понекогаш им овозможувале и користење.Постапувајќи по добиените сознанија, со наредба од судија на претходна постапка, извршен е претрес во домот и други простории на пријавените, при што се пронајдени и одземено 47,6 грама хероин и 375 грама смеса од парацетамол и кофеин, лекови кои на илегалниот пазар најчесто се користат како додаток во хероинот со цел да се зголеми количеството.Против двајцата пријавени скопјани, покрај тоа што и самите се уживатели на хероин, во периодот од 1996 до 2009 година биле поднесени кривични пријави за дела проследени со насилство, посредување во вршење проституција и имотни деликти, за што на Н.И. му биле изречени три затворски казни, додека на помладата А.М. и е изречена една мерка засилен надзор од социјален орган и една казна затвор.Во вториот случај, пак, во саботата околу 01 часот на регионалниот пад Дебар – Маврово, поточно кај бензинската пумпа „Бигорски“ полициски службеници го сопреле автомобилот „фолксваген пасат“ со охридски регистарски таблички управувано од 62-годишниот Н.В., при што по направената контрола во возилото била откриена црна најлон кеса со два килограма марихуана. По откривањето на дрогата Н.В. го стартувал возилото и се дал во бегство, но набргу е пронајден и приведен. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен 21-годишен охриѓанец, нападнал полицаец
Вчера во 00:10 часот, во угостителски објект лоциран на улицата „Св. Климент Охридски“ во Охрид, приведен е лице на (21) од Охрид, кој претходно бил агресивен кон полициските службеници кои преземале службени дејствија.
По целосно документирање на настанот, против него, ќе биде поднесена соодветна пријава.
Црна хроника
Угинато куче со пена на уста најдено на улица во Кавадарци, ќе постапува обвинител
Угинато куче било пронајдено доцна синоќа на улица во Кавадарци, по насока на јавен обвинител телото било однесено на обдукција, информираа денеска од Секторот за внатрешни работи – Велес.
– Синоќа во 22:15 часот во ОВР – Кавадарци, од Здружението за заштита на животни било пријавено дека на улица „Димката Ангелов – Габерот“ во Кавадарци има мртво куче со пена на устата. По насока на јавен обвинител, телото на кучето било подигнато од ветеринарен лекар и однесено во ветеринарна станица за вршење обдукција. Се преземаат мерки за расчистување на настанот, соопштија од СВР – Велес.
Црна хроника
10-годишно девојче тешко повредено од заталкан куршум во Глумово
Десетгодишно девојче од скопското село Глумово вчера било повредено од заталкан куршум. Во Клиничкиот центар „Мајка Тереза“, каде што е пренесено, лекар констатирал тешки телесни повреди во пределот на ногата.
За случајот, кој бил пријавен вчера околу 16 часот во СВР Скопје, денеска информира Министерството за внатрешни работи во дневниот билтен.
-На 31.01.2026 околу 16:00 часот во СВР Скопје е пријавено дека во двор од куќа во с.Глумово, Скопско, од заталкано зрно било повредено 10-годишно девојче, во пределот на ногата, по што било пренесено во Комплексот клиники „Мајка Тереза“, каде од страна на лекар констатирани му биле тешки телесни повреди, информира МВР.
Министерството за внатрешни работи презема мерки за расчистување на случајот.

