Црна хроника
Еден убиен и двајца ранети во пукање во Тетово

Едно лице е убиено, а други две лица се здобиле со прострелни рани по престрелка по расправија којашто во петокот ноќта во Тетово, соопшти во саботата СВР Тетово.
Инцидентот се случил околу 23,30 часот во петокот во Тетово на улицата „188“ по претходна расправија меѓу тетовците 33-годишниот А.Б. и 30-годишниот Б.М. од една страна, и од друга страна 37-годишниот Х.М., М. Х. на 34 и Х.К. на 39 години, од друга страна, кога осомничениот со иницијали Б.М. во еден момент од огнено оружје почнал да пука кон другите тројца при што Х.М. починал на самото место, а Х.К. и М.Х. се здобиле со прострелни рани во пределот на нозете. Тие се пренесени во Клиничкиот центар во Скопје.
Увид на местото на настанот извршиле Јавен обвинител и увидна екипа од СВР Тетово. По наредба на обвинителството телото на починатиот е предадено за обдукција.
Тетовската полиција соопшти дека во моментов се работи на пронаоѓање на сторителите и целосно расчистување и документирање на случајот, по што ќе биде поднесена соодветна пријава./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.