Црна хроника
Евакуација на 500 луѓе поради истекување на хемикалии во Стокхолм
Петстотини луѓе биле евакуирани од зграда во близина на институтот Каролинска во главниот град на Шведска, Стокхолм, поради истекување на хемикалии од лабораторија, јавуваат шведските медиуми.
Единаесет луѓе биле однесени со амбулантни возила во болница, откако почувствувале вртоглавици и здрвување на лицето, велат од полицијата.Во комплексот згради сместени се институтот Каролинска, Кралскиот институт за технологија и неколку приватни компании, пишува Aftonbladet.Се верува дека истекувањето настанало на седмиот кат од лабораторијата која се користи од една биохемиска компанија, која исто така е сместена во зградата.„Во една од просториите испуштен е гас, кој ако не се контролира може да доведе и до пожар или експлозија“, вели портпаролот на полицијата Свен-Ерик Олсон.Полицијата и службите за вонредни состојби во моментот ја испитуваат зградата, околу која е поставен кордон.„Носат заштитна опрема и можат да одредат за која супстанција се работи“, додава Олсон. Не се знае како дошло до несреќата./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.