Црна хроника
Филмска бркотница со возила на автопатот Гевгелија-Скопје
Филмска бркотница меѓу полициски возила и автомобили управувани од тројца грчки државјани, кои шверцувале мигранти, се случувала на автопатот Гевгелија-Скопје.
Полицијата успеала да им го попречи патот и да ги фати, по што поднела кривични пријави против тројца грчки државјани А.П.(40), К.Т.(34) и П.Р.(50), како и против непознато лице за сторени кривични дела – “криумчарење мигранти“.
Имено, пријавените по претходен договор прифатиле и превезувале лица со илегален влез и престој во Р.Македонија, а првопријавениот и второпријавениот биле во улога на преходница (чистачи). Горенаведените прифатиле ги превезувале илегални мигранти во близина на Гевгелија, со намера да ги превезат до Скопје. Но од страна на цивилниот тим од РЦ за ГР Југ кај место викано Градец на магистралниот пат Удово-Неготино во правец на Неготино забележани се три возила со грчки регистарски таблички, и истите штом го забележале полициското возило веднаш ја зголемиле брзината на движење во правец на Неготино при што напред одело возило марка “мазда 6“ кое веројатно било во улога на “чистач“ а по неа се движеле возило “опел вектра“ и “ауди 4“.
Од страна на полициските службеници на истите на соодветно место пред Неготино им бил даден светлосен (ротационен) знак за застанување, но возилата не постапиле по наредбата туку напротив ја зголемиле брзината на движење притоа наишле на патролата која била поставена на клучка Неготино каде од страна на полицајците со светлосни стоп палки им бил даден знак за застанување. Во тој момент „маздата“ која била напред нагло а кон полицајците, па тие скокајќи преку заштитната ограда спасувале живот. Понатаму возилото присилно застанало бидејќи патот му бил попречен од друго полициско возило.
При контролата е утвдено е дека “маздата“ ја управува А.П., а како совозач бил второпријавениот К.Т. Другите две возила и покрај обидот да им биде попречено натамошното движење, продолжиле со бегство при што “аудито“ ненадејно и брзо свртело десно и преку бензинска пумпа се приклучило на стариот пат Неготино-Демир Капија каде на отприлика 200 метри во непосредна близина на Железничката станица било престигнато од страна на возилото на РЦ за ГР Југ и му било попречено натамошното движење по што возачот, односно третопријавениот П.Р. бил лишен од слобода и при извршениот преглед на возилото внатре биле пронајдени шестмина илегални мигранти (петмина од Ирак на возраст од три до 27 години, како и едно лице сириски државјанин на возраст од 25 години).
Третото возило “опел вектра“ продолжило со бегство во правец на Градско по автопатот при што од страна на полициски службеници од РЦ за ГР Југ и ПС за ГН Михајлово била продолжена потерата. Ова возило потоа на клучка Градско се исклучил од автопатот и продолжил со бегство кон Велес по стариот пат. Во Градско непосредно пред полициската станица од страна на полицаец од ПС Градско му бил даден знак за застанување, но тоа не застанало и продолжило со движење со уште поголема брзина. Кај клучка за село Виничани возилото запрело и од него излегле, односно биле истуркани, исто така шестмина илегални мигранти (сите од Ирак на возраст од три до 46 години), по што возилото продолжило во непознат правец.
Од страна на Судија на претходна постапка на пријавените лица им е изречена мерка притвор во траење од по 30 дена. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.