Црна хроника
Грција и екстрадираше на Македонија жена макро осудена на затворска казна

Министерството за внатрешни работи во неделата соопшти дека успешно ја заврши екстрадицијата на 54 годишната Жанета Баша од Гостивар.
Истата беше преземена од грчките органи на прогонот и спроведена на издржување на пресудената казна затвор во времетраење од 10 години во КПУ Идризово.
Баша се бараше преку ИНТЕРПОЛ со меѓународна потерница распишана на 06.04.2014 година по наредба на Основниот суд Гостивар, а беше лишена од слобода во Грција на 22.09.2014 година по што и беше изречена мерка притвор и отпочна постапката за нејзина екстрадиција.
Во 2012 година, Основниот суд Гостивар ја прогласи за виновна за сторено кривично дело „Трговија со малолетно лице“ по член и изрече казна затвор, а дополнително и ја задолжи на оштетените на име надомест на нематеријална штета им исплати износ од по 400.000 денари, во рок од 30 дена од правосилноста на пресудата согласно. За остатокот од имотното правно побарување оштетените биле упатувени на спор.
Поконкретно, таа се товарела дека трудово и сексуално ги експлоатирала малолетничките на начин што оштетените работеле како келнерки и придружнички на гости во угостителскиот објект Делфина во Гостивар и секогаш кога обвинетата ќе им наредела давале сексуални услуги во нејзиниот стан и во мотелите Елита, Монако и Игнација во Гостивар и во други мотели за износ од 2.000,00 до 3.000,00 денари за еден клиент. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
На велосипедска патека во Скопје се судрија велосипед и електричен мотор, едниот од возачите побегна

Вчера на велосипедска патека на булеварот Јане Санданскин се случила сообраќајна несреќа помеѓу велосипед и електричен мотор, управуван од К.Л.(71) од Скопје, по што лицето со велосипедот го напуштило местото на настанот, соопшти МВР во дневниот полициски билтен.
Во несреќата со тешки телесни повреди се здобил К.Л., констатирани во Комплексот клиники „Мајка Тереза“.
Извршен бил увид од увидна екипа од СВР Скопје и се работи на расчистување на случајот.
Црна хроника
Битолчанка со измама дошла до лични податоци на маж, па си подигнала брз кредит

Полицијата поднесе кривична пријава против С.Ч.(48) од Битола поради постоење основи на сомнение за сторено кривично дело „помагање“ во врска со кривично дело „измама“.
Во текот на мај 2024, пријавената преку социјална мрежа, под друго име, стапила во контакт со лице од тетовско и со лажно прикажување на факти побарала услуга од него и на тој начин ги добила неговата лична карта и трансакциска сметка. Потоа, со уште едно лице, злоупотребувајќи ги личните податоци на оштетениот, подигнале брз кредит од финансиско друштво.
Откако на домашна адреса добил писмо од финансиското друштво дека има неплатен долг, оштетениот сфатил дека е измамен.
Црна хроника
Кавадарчанец возел со 2,52 промила алкохол и излетал од патот

Полицијата вчера го приведе Г.Т.(44) од Кавадарци.
„Тој, управувајќи возило „голф“ со кавадаречки регистарски ознаки, на регионалниот пат Кавадарци – Дреново, кај место викано Рамниште, изгубил контрола и излетал од патот. Г.Т. бил задржан во полициска станица, а од извршените проверки било констатирано дека го управувал возилото со 2,52 промили алкохол во крвта“, велат од МВР.
Известен бил јавен обвинител и по документирање на настанот против него ќе биде поднесена пријава за безобѕирно управување со моторно возило.