Црна хроника
Грчки државјани се обиделе да прошверцуваат над 110 илјади евра во земјава
Двајца грчки државјани се обиделе нелегално да внесат во државава над 110 илјади евра, преку граничниот премин Дојран.
Во четвртокот (25.09) за влез во државата се пријавил автомобил со грчки регистарски таблички, управуван од грчки државјанин, во придружба на уште еден патник, исто така грчки државјанин.
Како што соопшти Царинска управа, на прашање на царинските службеници, лицата изјавиле дека немаат што да пријават за царинска контрола, но при извршениот преглед на личната ташна на патникот пронајдени се 21 чек на различни износи во вкупна вредност од 127.277 евра и 10.100 евра во готово.
Од Царинска управа информираат дека законот за девизно работење предвидува дека нерезиденти можат слободно да внесат девизни средства во противвредност на 10 илјади евра, па според тоа, бидејќи станува збор за две лица, 20 чека во вредност од 17.277 евра и 2.723 евра во готово им се вратени, додека еден чек на 110.000 евра и 7.380 евра во готово се одземени.
Против прекршителите е поведена прекршочна постапка.
Ова е втор случај на заплена на чекови на поголем износ од почетокот на неделава и трет од почетокот на годинава. Пред три дена (23.09) на граничниот премин Меџитлија беше спречен обид за нелегално пренесување на чекови во износ на 175 илјади евра, а во јануари на граничниот премин Богородица кај грчки државјанин беа откриени чекови во износ од 1.444.000 евра.
Покрај чекови, во 45 други случаи спречено е нелегално пренесување на готови пари во противвредност од околу 570 илјади евра, од кои 390.000 евра, 97.300 американски долари, 113.600 швајцарски франци, 13.700 бугарски лева и 28.300 дански круни.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.