Четворица скопјани, од кои двајца се малолетни на возраст од 16 години, им приоѓале од зад грб на граѓани и ги ограбувале.

Пред околу една седмица извршиле две вакви кражби, на улицата „Лазар Личеноски“ во центарот на Скопје и украле пари и предмети во вредност од околу 30.000 денари.

Првото кривичнот дело разбојништво го извршиле околу 02,30 часот на 7 јуни на улица   „Лазар Личеновски“  каде го забележале оштетениот при  што му пришле  од зад грб, и без предупредување почнале да го удираат со тупаници и клоци,  го собориле на земја и продолжиле да го удираат.

Од џебовите на јакната му ги пронашле и одзеле мобилниот телефон и парите по што го напуштиле местото на настанот, мобилниот телефон го продале на нив познато лице за одредена сума, а добиените  пари  ги дале на  друго лице  на кого претходно му должеле .

Второто кривично дело тешка кражба на дрзок начин го извршиле откако повторно се вратиле на улицата „Лазар Личеновски“  на полигонот кај стариот пазар „Бувљак“ каде ја забележале   оштетената која  заедно со уште едно лице се движеле покрај  кејот, по што пријавените им пришле од позади грб и со употреба на физичка сила  и ја грабнале чантата и избегале, а од чантата одзеле одредени предмети и потоа ја фрлиле.

„Алфите“ ги привеле и на ограбените им се вратени дел од украдените предмети. Против четворицата се поднесени кривични пријави за ,,разбојништво “ и кривично дело „тешка кражба на дрзок начин“.

На двајцата дваесетгодишни кратци одреден им е триесетдневен притвор./крај/мф