Црна хроника
Kривична пријава против ексградоначалникот на Чашка поради несовесно работeње во службата
СВР Велес поднесе кривична пријава против 47-годишниот Г.П. од село Еловец, општина Чашка, кој бил и поранешен градоначалник на општината поради постоење основи на сомнение за сторено кривично дело „несовесно работење во службата“.
Имено, како што соопштија од полицијата во периодот од 2009 година до 2017 година пријавениот, со пропуштање на должен надзор врз работата на вработените, овозможил да се појави кусок на опремата за симултан превод која била предмет на договор за донација од ЗЕЛС и Швајцарска агенција за соработка и развој.
Ваквата состојба, велат од МВР, била констатирана на 23 ноември минатата година од страна на пописната комисија од општината. При приемот на опремата, ексградоначалникот не задолжил работник за чување и одржување на донираната опрема, со што на општина Чашка ѝ била нанесена штета во висина од 1 000 евра во денарска противвредност, велат од МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.