Црна хроника
„Комити“ нападнале полицаец, краделе во маркет и искршиле автомобил во Велес
Навивачката група на фудбалскиот клуб „Вардар“ од Скопје во четвртокот на натпреварот меѓу скопскиот клуб и фудбалскиот клуб од Кратово, „Силекс“ што се одигра на стадионот во Велес, нападнале полицаец а по натпреварот дивееле во маркет и оштетиле автомобил во сопственост на обезбедувањето.
Приведени се тројца навивачи, а од полицијата најавуваат и кривични пријави.Еден од навивачите на „Комити“ за време на натпреварот околу 13.30 часот, се обидел да се качи на метална ограда, а потоа околу 50 навивачи тргнале кон полицаецот кој го предупредил да се симне од оградата и го потиснале на металната ограда. За да ги смират навивачите, полицајците морале да употребат гумени палки. По овој инцидент приведени се тројца навивачи на возраст од 20 и 27 години од Скопје.Попладнето околу 16.30 часот 11 лица од навивачката група влегле во маркет во Велес. Еден од нив бил фатен како кради чоколади од маркетот, а другите почнале да ги навредуваат, малтретираат и им се закануваат на вработените со физичка пресметка, по што ги кршеле корпите пред влезот на маркетот и се обиделе насилно да ја отворат влезната врата која била затворена после кражбата.Потоа оштетиле автомобил „фолксваген поло“ сопственост на „Секурити Груп Сервис“ паркиран пред маркетот од страна на обезбедувачот на маркетот. По целосно документирање на настанот, од страна на Секторот за внатрешни работи Велес ќе бидат поднесени кривични пријави за „насилство“ и „напад над службено лице при вршење работи на безбедноста“ и прекршочна пријава против две лица за сторен прекршок од областа на „законот за спречување насилство и недостојно однесување на спортски натпревари“. /крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.