Црна хроника
Кривична пријава за кравиот напад на несудените сватови
СВР Скопје извести во неделата дека е поднесена кривична пријава против 19-годишникот кој во средата вечерта заедно со својот татко учествувале во пресметка за прекината љубовна врска.
Како што првично беше објавено, причина за пресметката бидејќи М.Ш. ја раскинал љубовната врска со ќерката на Р.Р., односно сестрата на И.Р., кој сега е кривично пријавен за дело „насилство“ и истовремено му е одреден притвор.
Според сознанијата од истрагата, во средата, 15-ти јуни, по 21,30 часот на улицата „Аврам Писевски“, во скопски Чаир, на влезната врата од домот на оштетените, пријавениот И.Р. заѕвонил на ѕвончето, и откако вратата ја отворила сопругата, односно мајка на оштетениот, деветнаесетгодишникот го побарал нејзиниот син. Бараното момче се појавило на влезната врата заедно со татко му, при што го виделе првопријавениот кој во рацете имал дрвена палка и нож и второпријавениот, 54-годишниот Р.Р., кој во раката имал чекан. Откако момчето им се обратил со зборовите „вие ли женско ќе тепате“, тој заедно со Р.Р. физички ги нападнале оштетените.
И.Р. со нож му нанел неколку рани на таткото во пределот на градниот кош и абдоменот по што овој бил повлечен кон внатре од страна на неговиот син. А откако оштетените ја заклучиле вратата, од страна на И.Р. и Р.Р. биле искршени и парчиња стакло од влезната врата.
Пријавените напаѓачи уште во средата ноќта по извршување на кривичното дело, од страна на полициски службеници од полициската станица „Бит Пазар“, биле најдени на местото на инцидентот и приведени.
Од страна на полициски службеници од Единицата за насилен криминал, биле извршени проверки во Ургентен центар при Клинички центар „Мајка Тереза“ Скопје во врска со видот и карактерот на повредите, при што усно им било појаснето дека оштетениот, несудениот сват, се здобил со тешки телесни повреди – три убодни рани во пределот на градниот кош од левата страна, три убодни рани во пределот на абдоменот од левата страна, и дека неговиот живот е загрозен така што е задржан на КАРИ.
Неговиот син, пак, минал со телесни повреди во вид на гребаници и расекотини во пределот на глуждот од левата нога.
До СВР Скопје, исто така, информираат дека во врска со овој насилен настан бил известен дежурен Јавен обвинител, кој не излезе на лице место, а увидот го препуштил на увидна екипа од ЕУМНА при СВР Скопје./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.