Црна хроника
Кривична против битолчанец за даночно затајување

СВР Битола поднесе кривична пријава против 44-годишниот З.Р. од Битола и против правниот субјект „Колега“ ДООЕЛ Битола, поради постоење основи на сомнение за сторено кривично дело „даночно затајување“.
Пријавениот како управител на правниот субјект „Колега“ ДООЕЛ Битола во периодот од 01.01.2013 до 31.01.2016 година, со намера да одбегне плаќање на данок на добивка, персонален данок на доход и данок на додадена вредност во книговодствената евиденција прикажал лажни податоци за остварени приходи и залихи на стока со што затаил вкупно 4.115.276 денари.крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведено лице од скопско поради управување возило под дејство на алкохол

Вчера во 19.00 часот во Делчево, полициски службеници од ОВР Делчево го лишиле од слобода 47-годишниот О.Ј. од село Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.
Црна хроника
Нова сообраќајка во Скопје: на пешачки премин пред „Дајмонд мол“ прегазена девојка

Денеска на пешачки премин пред „Дајмонд мол“ е прегазена девојка.
„Имаме пријава утрово за сообраќајка, удрен пешак. Со возило на Итна медицинска помош е пренесен во Клиниката за хируршки болести Св. Наум Охридски“, соопштија од МВР.
Според очевидци се работи за девојче кое минувало на пешачки премин.
Повеќе детали се најавени во текот на денот.
Црна хроника
Поради несреќа, сообраќајот на експресниот пат Штип е во прекин

Поради сообраќајна незгода од 08:10 часот сообраќајот на експресниот пат Штип, после с.Лакавица е во прекин, соопштија од АМСМ.
Како што додаваат од АМСМ, сообраќајот ќе се пренасочува по магистрален пат А4, Штип – Радовиш.