Црна хроника
Кумановци оштетиле фирма за 124.000 денари

Двајца жители на Куманово оштетиле фирма за 124.000 денари, соопшти Министерството за внатрешни работи.
СВР Куманово поднесе кривична пријава против С.С.(52) за сторени кривични дела „злоупотреба на службената положба и овластување“ и „фалсификување или уништување деловни книги“ и против И.С.(59) за „помагање“ во врска со горенаведените кривични дела.
Првопријавената како сопственик и управител на правното лице „Витал МБ“-Куманово, вршејќи сметководствени услуги за правно лице од Куманово во периодот од 2008 до 2013 година, неовластено изготвувала налози фалсификувајќи го потписот на управителот на фирмата за која водела сметководствени услуги и истите не ги предавала на управителот, за да неможе да има увид во уплатените и исплатените средства на правно лице „Витал МБ“-Куманово.
Второпријавениот бил ангажиран од страна на првопријавената да врши уплати и исплати на парични средства на оштетеното правно лице за сметка на други правни лица.
Со овие дејствија, пријавените го оштетиле правното лице од Куманово за 124.066 денари.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жител на Дебар бесправно изградил објект на државно земјиште крај Дебарското Езеро

Жител на Дебар бесправно изградил објект од 88 метри квадратни на државно земјиште крај Дебарското езеро.
Полицијата поднесе кривична пријава против К.Ц.(60) од Дебар поради постоење основи на сомнение за сторени кривични дела „бесправно градење“ по член 244 и „Узурпација на недвижности“ по член 225 од Кривичниот законик.
Тој, во текот на јуни оваа година, на катастарска парцела во државна сопственост кај месноста „Бадеми“ покрај брегот на Дебарското езеро, без одобрение за градба и спротивно на Законот на градење, неовластено изградил објект во вкупна површина од 88. 40 метри квадратни.
Црна хроника
Претрес во Кочани, пронајдена дрога: двајца уапсени

Вчера во 10:00 часот во Кочани, полициски службеници од ОВР Кочани ги лишија од слобода 22-годишниот Д.З. и 23-годишниот Н.Д., двајцата од Кочани, затоа што при преглед кај нив, кај Д.З. е пронајдена и одземена марихуана.
Подоцна, со судска наредба, извршен е претрес во домот на Д.З., при што се пронајдени и одземени марихуана, две дробилки со остатоци од марихуана и други предмети за кои постои сомнение дека потекнуваат од кривично дело.
По целосно документирање на случајот, ќе биде поднесена соодветна пријава.
Топ
Поранешен дечко со оружје дошол пред домот на девојка во Гевгелија, полицијата го спречила

Полицијата во Гевгелија денеска спречи обид за убиство на девојка од нејзиниот поранешен партнер.
Според информациите на Министерството за внатрешни работи, 25-годишната М.П. од Гевгелија пријавила дека на нејзината влезна врата тропале нејзиниот поранешен партнер Ј.Г., кој користел отсуство од затвор, заедно со Л.Г.
Од пријавата произлегува дека двајцата се заканувале, а младата девојка слушнала и репетирање на огнено оружје.
Полициските службеници веднаш излегле на местото на настанот и извршиле преглед. Во ормарот за чевли бил пронајден пиштол без рамка. При извршеното алкотестирање кај поранешниот партнер биле измерени 3,3 промили алкохол во крвта.
Двајцата биле приведени, а по целосно документирање на случајот ќе биде поднесена кривична пријава.