Македонецот Јордан Георгиевски кој се товари дека продавал фалсификувани кредитни картички како дел од меѓунардоната криминална организација Кардер, вмешана во кражба на идентитети ширум светот, пред судот во Лас Вегас изјавил дека не е виновен, јавува АП.

Четириесет и едногодишниот Георгиевски е обвинет во јануари 2012 година и му се заканува казна затвор во траење од 40 години.Американските власти тврдат дека Георгиевски е уапсен во Албанија во јули, при обид за влез во Косово и испорачан во САД со ангажирање на американскиот Стејт Депертмент, владата на Австрија, Албанија и Интерпол.Георгиевски пред судиите изјавил дека е наставник и дека е на мастер студии. Судот одлучи Георгиевски да остане во притвор до април, кога треба да почне судењето против него и Андреј Болован, обвинет за истите кривични дела. И Болован изјавил дека не е виновен. Според обвинителството, од 2012 година, во случајот Кардер се обвнети 55 лица, од кои 30 се проглаени за виновни, додека останатите очекуваат судења или се во бегство.Георгиевски е обвинет дека го користел прекарот „Девица“ за време на криминалната операција чии учесници заработиле повеќе од 50 милиони долари. Истрагата за случајот почнала во март 2007 година./крај/онаса