Црна хроника
Му впериле пиштол во глава за да каже каде е син му
Две лица му се заканувале на старец од Арачиново со пиштол во рацете, за да каже кај е неговиот син кој наводно им должел пари.
Двајцата насилници во понеделникот попладне околу 18 часот затропале на влезната порта од куќата во којашто живеел старецот со неговото семејство во скопското село Арачиново.Седумдесет иедногодишниот арачиновец во моментот седел во домoт со неговата сопруга. Кога ја отворил влезната порта, насилниците го турнале на земја и влегле во дворот. Едниот од нив извадил пиштол, му го вперил во главата на старецот и почнале да му се закануваат по неговиот живот и животот на неговото семејство, ако не им каже каде се наоѓа неговиот син.Во тој момент надвор излегле неговата сопруга, другиот син и снаата, кои од страв веднаш побегнале и повикале полиција. Заканувачите избегале, а полицијата презема мерки за пронаоѓање на сторителите и за целосно расчистување на случајот./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.