Црна хроника
МВР: Хартиите кои ги покажа Заев, не се документи на УБК

Хартиите со кои манипулираше четвртоосомничениот Зоран Заев се најобична лага, а не документи на Управата за безбедност и контраразузнавање (УБК), се вели во реакцијата од Министерството за внатрешни работиоткако претходно во средата челникот на најголемата опозициска партија СДСМ на прес-конференција подели материајли за прислушувани телефонски разговори на стотина новинари за што тврдеше дека е направено по наредба на директорот на службата, Сашо Мијалков.
„Министерството за внатрешни работи и УБК во време на сегашното раководство никогаш ниту незаконски следеле, ниту правеле анализи на новинари. Во целост сме ги почитувале Уставот и Законите на Република Македонија и сме работеле согласно истите. Најостро ги демантираме сите изнесени клевети и конструкции објавени денеска од страна на четвртоосомничениот Зоран Заев. Истиот се товари за најтешки дела против државата и граѓаните и во судска постапка по Опертивната обработка ’Пуч’ согласно Законот ќе добие можност да ја даде својата одбрана за материјалите за кои изјави дека му биле дадени од странска служба“, се истакнува во соопштението на МВР.
Се додава и дека со „денешната пресуда започнала разврската во акцијата ’Пуч’, и оти сé „поочигледно станува дека четвртоосомничениот Зоран Заев почнал да се губи и да тоне обидувајќи се да исконструира сé поголеми лаги“.
Претходно во средата Основниот суд Скопје 1 Скопје соопшти дека вработен во МВР, обвинет во случајот „Пуч“ доби тригодишна затворска казна откако се спогодил со Јавното обвинителство, а судот ја верификувал спогодбата.
„По поднесување на Предлог спогодба од страна на Основното Јавно Обвинителството за гонење на организиран криминал и корупција до Кривичниот суд, судија на претходна постапка со пресуда ја верификува спогодбата со која на лицето З.К., вработено во МВР, за кривичните дела шпионажа и неовластено прислушување“, соопштуваат од Основниот суд Скопје 1.
Во случајот „Пуч“ осомничен е поранешниот директор на Управата за безбедност и контраразузнавање, Зоран Верушевски, неговата сопруга, лидерот на СДСМ, Зоран Заев и локален функционер од Струмица. Се товарат дека преку употреба на незаконски средства на следење и шпионирање со упатување на сериозни закани кон високи државни функционери сакале да извршат преврат и да изнудат разни услуги. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен жител на Кичево, возел пијан и предизвикал сообраќајна незгода

Полицијата, синоќа во 00:35 часот на улица „Јанко Михајлоски“ во Кичево, го уапсија М.Ц.(42) од Кичево, соопшти МВР.
Претходно, тој, управувајќи патничко возило „рено“ без регистарски таблички, удрил во паркирано возило „мицубиши“ со скопски регистарски ознаки. При преземање мерки во врска со настанот, извршено е алкотестирање, при што полициските службеници констатирале дека го управувал возилото по дејство на алкохол, односно измерени му се 1,72 промили алкохол во крвта.
По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.
Црна хроника
Нелегално поседувал воздушна пушка: пријава против маж во Охридско

Вчера при претрес во домот на С.Т.(32) од охридското село Лескоец, извршен со судска наредба, полициските службеници од СВР Охрид пронашле и одзеле воздушна пушка „Славија“ калибар 4,5 милиметри, која нелегално ја поседувал.
Според полицијата, по целосно документирање на настанот, против него ќе биде поднесена соодветна пријава.
Црна хроника
Пијан возач удрил во паркирано возило во Кичево

Утрово во 00:35 часот на улица „Јанко Михајлоски“ во Кичево, полициски службеници од ОВР Кичево го лишија од слобода М.Ц.(42) од Кичево.
Претходно, тој, управувајќи патничко возило „рено“ без регистарски таблички, удрил во паркирано возило „мицубиши“ со скопски регистарски ознаки.
При преземање мерки во врска со настанот, извршено е алкотестирање, при што полициските службеници констатирале дека го управувал возилото по дејство на алкохол, односно измерени му се 1,72 промили алкохол во крвта.
По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“, соопшти полицијата.