Црна хроника
Над 50 автомобили изгореа на паркинг во Словачка
Повеќе од педесет паркирани автомобили се запалија на полето кое служи како паркиралиште пред рекреативниот центар Сладковичово во југозападна Словачка, објавија во понеделникот полицијата и противпожарната служба
Портпаролката на полицијата на округот Трнава, Марија Ленкешова во неделата навечер изјавила дека целосно се изгорени се 40 автомобили, 16 се значително оштетени, а причинетата штета се проценува на околу 400 илјади евра.
„Деведесет отсто од паркираните автомобили се изгорени, другите се зафатени од пожарот. Полицијата уште ги истражува причините за огнот“, додала портпаролката којашто истакнала дека несреќата се случила во услови на екстремно високи температури.
Стотици сопственици на автомобилите немоќно стоеле и гледале како огнот ги проголтува нивните возила. За среќата нема повредени. „Бевме да се капеме со своите деца. Автомобилот ни е до половина јагленосан“, изјавил за порталот Cas.sk еден од капачите.
Полицијата во понеделникот соопшти дека засега ниту полициските кучиња обучени за пронаоѓање траги од запаливи материи не нашле ништо, па останува претпоставката дека жегата е виновник за пожарот./крај/мф/сн
Извор: CAS.sk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.