Црна хроника
Надриписарка од Прилеп незаконски заработила 1.650.000 денари
Прилепчанка на возраст од 39 години заработи кривична пријава затоа што незаконски вршела промени на основачи и управители на фирми со блокирани сметки, за да го избегнат плаќањето на долговите.
Имено, против Ж.Б.С.(39) од Прилеп поднесена е кривична пријава за сторени кривични дела “злоупотреба на службената положба и овластување“, “надриписарство“, “оштетување или повластување на доверители“, “намерно предизвикување на стечај“ и “измама“. Пријавената била управител на „Консалтинг Бошески“ ДООЕЛ Прилеп, а од ноември 2010 година континуирано до март годинава за надомест од 9.000 до 18.000 денари извршила 165 промени на основач и управител на трговски друштва, за кои уписи во Централен регистар, вршела врз основа на писмено полномоштво на сопственици и управители на правни лица- Друштва со ограничена одговорност, со блокирани жиро сметки, а со цел избегнување на плаќање на обврските сторени во текот на работењето кон разни доверители. Пријавената за паричен надомест давала правни услуги иако немала стручна квалификација за адвокат и им изготвувала Договори за пренос на удели и друга дополнителна документација (Договор за основање на трговско друштва, Изјави и сл.) неопходни за извршување на промени на оснивач и управител во трговскиот регистар при Централен регистар. Во самите договори наведуван е само износ на оснивачки влог кој само е евидентиран без притоа истиот да биде реално преземен од новите „стекнувачи на удели“, кој во најголем случај се несолвентни лица и лица кои набрзо по преземањето на фирмите се надвор од Македонија. На лицата на кои е вршен преносот не им се прикажани податоци за фактичката финансиска состојба на фирмата, не им е прикажан изност на обврските на фирмата со што оснивачите и управителите на таквите фирми обврските од работењето со фирмите ги префрлаат на несолвентни лица и ги оневозможуваат доверителите да ги наплатат своите побарувања од вистинските должници, а воедно и ја избгнуваат забраната со која се оневозможува оснивање на нова фирма од страна на лице кое е оснивач или управител на фирма со блокирана жиро сметка. На ваков начин на овие лица пријавената им овозможила непречено да продолжат со дејноста која претходно ја работеле без да ги платат обврските кон доверителите, но сега преку нови трговски друштва. Така пријавената се стекнала со противправна имотна корист во износ од околу 1.650.000 денари кои приходи не ги пријавувала ниту преку фирмата (Консалтинг Бошески ДООЕЛ Прилеп) ниту како приходи на нејзино лично име како физичко лице, а воедно и ги оштетила лицата кои како нови оснивачи и управители на фирмите со блокирани сметки стануваат и должници на обврските. Врз основа на наредба од Основен суд- Прилеп извршен е претрес во деловната просторија на Консалтинг Бошески ДООЕЛ Прилеп, при што беа пронајдени и одземени печати и штембили како и договори за пренос на удели од повеќете фирми на кои пријавената им ја извршила услугата. Голем дел од промените на оснивачи и управители над овие фирми кои се извршени и наплатени од пријавената, не се во евиденцијата доставена од Централен регистар, заради што противправната имотна корист на пријавената која ја остварила е уште поголема./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.