Црна хроника
Нафтени компании со фалсификувани фактури од Окта заработиле над 500.000 евра

Управата за финансиска полиција по добиени оперативни сознанија за сторен финансиски криминал, откри разработена шема за празнење на државниот буџет, преку поврат на данокот на додадена вредност (ДДВ) со употреба на фалсификувани фактури за наводна набавка на нафта од „Рафинеријата Окта“ од Скопје.
Главен организатор на криминалната група е сопственик и управител на фирмата „Марели-Импекс“ ДООЕЛ од Скопје и овластен потписник на банкарските сметки на правниот субјект ЗД „Петрол“ ЛТД ДООЕЛ Скопје.Првопријавениот во својство на управител, сопственик и овластен потписник на банкарските сметки на правниот субјект „Марели-Импекс“ ДООЕЛ Скопје и овластен потписник на банкарските сметки на правниот субјект ЗД „Петрол“ ЛТД ДООЕЛ Скопје, во периодот 2011-2015 година, со намера да се стекне со противправна имотна корист, во сметководството на фирмите употребил фалсификувани фактури за наводно извршени набавки на нафта од скопската рафинерија „Окта“.Финансиската полиција кај дел од осомничените изврши претрес на дом, деловни простории и возила при што се пронајдени бланко фактури со печати од една од фирмите кои учествувале во „нафтениот бизнис“ како и 15 фалсификувани фактури наводно издадени од „Рафиеријата Окта“ од Скопје на правното лице „Марели-Импекс“ ДООЕЛ Скопје, во вкупен износ од 369.000 евра со вкалкулиран ДДВ и 28 фалсификувани фактури во вкупен износ од 1.015.000 евра со вкалкулиран ДДВ, исто така, со логото и меморандумот на „Рафинеријата Окта“ од Скопје, наводно издадени на правниот субјект ЗД Петрол ЛТД ДООЕЛ Скопје.Првопријавениот Р.В (47) свесен дека разработената криминална шема за брзо и лесно богатење на сметка на државната каса нема да биде во можност да го реализира само преку неговата фирма „Марели-Импекс“ ДООЕЛ Скопје која била презадолжена и не била ликвидна за натамошни кредитни оптоварувања, во криминалната игра ја вклучил и ЗД „Петрол“ ЛТД ДООЕЛ Скопје фирма во сопственост на неговиот пријател и бизнис партнер кој подолг период е на привремена работа во странство.Управата за финансиска полиција во насока на целосно расчистување и документирање на случајот, изврши проверки и во „Рафинеријата Окта“ во Скопје при што во целост се потврди сомневањето за сторен финансиски криминал од страна на првопријавениот. При проверка во интерниот електронски систем на „Окта“ утврдено е дека купувачи со такви називи на фирми не постојат и дека со истите никогаш рафинеријата немала деловни односи. Воедно при контролата во „Рафинеријата Окта“ утврдено е дека меморандумот на кои се изготвени сомнителните фактури не одговара на образецот кој се користи од страна на „Окта“во годината на која се однесуваат истите. Употребениот меморандум „Окта“ го употребувала во 2008, 2009 и 2010 година, а по 2010 година истиот содржински е изменет и не одговара на оној кој е употребен од страна на пријавениот. Истрагата на Финансиската полиција покажа дека и потписот на одговорното лице од Рафинеријата е фалсификуван, фалсификуван е и печатот кој е употребен на фактурите а се разбира за да се затскрие криминалната шема, фалсификувани се и сите испратници на кои како транспортери на наводно набавената нафта евидентирани се непостоечки камиони и возачи.Во шемата за лесно богатење и прикривање на криминалот се вклучил и сметководителот на „Марели-Импекс“ ДООЕЛ и ЗД „Петрол“ ЛТД ДООЕЛ, кој иако бил свесен дека нема нафта набавена од „Рафинеријата Окта“, преку неговото сметководствено биро, на главниот организатор му помагал во изготвување на огромен број на цесии, компензации и асигнации со разни коминтенти се со цел губење на трагите од нафтата која впрочем никогаш и не била набавена. Организаторот на криминалната шема веднаш откако е разоткриен во неговите финансиски малверзации, нелегално ја напуштил земјата и сé уште е недостапен за органите на прогонот, заради што по истиот ќе биде распишана меѓународна потерница.Финансиската полиција поради постоење на сомневање за финансиски криминал и кај поголем дел од коминтентите на двете осомничени фирми, превзема дополнителни активности за проверка на поголем број сомнителни финансиски трансакции што овие фирми ги имале со сега пријавените./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведено лице од скопско поради предизвикување сообраќајна несреќа со смртни последици

На 14.03.2025 во 18.54 часот во СВР Скопје било пријавено дека на ул.„Ацо Шопов“ во Скопје се случила сообраќајна несреќа помеѓу патничко возило „фиат панда“ со скопски регистарски ознаки, управувано од Б.Р.(24) од с.Буковиќ, скопско, патничко возило „пежо 2008“ со скопски регистарски ознаки, управувано од С.А.(52) од Скопје и мотоцикл „сузуки“ со скопски регистарски ознаки, управуван од А.Ј.(34) од Скопје.
Во несреќата со тешки телесни повреди се здобил мотоциклистот А.Ј., констатирани во Градската општа болница „8 Септември“, по што бил пренесен во Комплекс клиники „Мајка Тереза“, каде што подоцна починал.
Лекар констатирал смрт, а по насоки на јавен обвинител, телото на починатиот било дадено на обдукција.
Возачот Б.Р. се здобил со телесни повреди, констатирани во Градската опшата болница „Св.Наум Охридски“ Скопје и по укажаната помош во 01.00 часот на подрачјето на Центар бил лишен од слобода и по целосно расчистување и документирање на случајот, ќе биде поднесена пријава по итна постапка.
Извршен бил увид од надлежен обвинител од ОЈО Скопје и увидна екипа од СВР Скопје.
Црна хроника
Приведено лице од Пробиштип поради управување возило под дејство на алкохол

Полицијата приведе 21-годишник од Пробиштип поради возење под дејство на алкохол.
„Денеска (15.03.2025) во 01.55 часот на магистаралниот пат Штип – Кочани, кај с.Долни Балван, општина Карбинци, полициски службеници го лишиле од слобода И.Д.(21) од Пробиштип. При контрола во патниот сообраќај, полициските службеници сопреле патничко возило „фолксваген пасат“ со пробиштипски регистарски ознаки, кое го управувал, и по преземени мерки било констатирано дека е под дејство на алкохол, односно дека има 1,70 промили алкохол во крвта, по што веднаш бил исклучен од сообраќај и задржан во полициска станица. По целосно документирање на настанот, против него ќе биде поднесена пријава по член 297 – а од Кривичниот законик – безобѕирно управување со моторно возило“, соопштија од Министерството за внатрешни работи.
Црна хроника
Беровец од погребално претпријатие пријавен дека во депонија фрла и закопува остатоци од починати лица, МВР го расчистува случајот

Пред два дена во полицијата во Берово било пријавено дека на место викано „Црвени брегови“, атар на Берово, бил забележан лиценциран извршител за погребални услуги во општината како на градежна депонија фрла и закопува остатоци од починати лица, извадени од градските гробишта во Берово.
„Веднаш по добиената пријава, во консултација со јавен обвинител и во содејство со ракувач со работна машина багер од јавното претпријатие за комунални работи во Берово, било извршено пребарување на посоченото место и на пошироката околина, но не биле пронајдени предмети кои потекнуваат од кривично дело, туку биле пронајдени само остатоци од градежен шут и остатоци од отпад.
По дополнително преземени мерки и по извршени разговори во ОВР Берово било дојдено до сознание дека лиценцираниот извршител на погребални услуги во повеќе наврати вршел ископување на стари гробови и ги фрлал остатоците од починатите лица на друга локација. Додека, подоцна, по овластување на јавен обвинител, бил извршен увид на гробиштата во селото Смојмирово и на удолницата на јужната страна биле пронајдени пет коски кои наликуваат на коски од човек“, велат од МВР.
По целосно расчистување и документирање на случајот, ќе биде поднесена соодветна пријава.