Црна хроника
Нападнатите полицајци од Гошинце давале исказ на судењето за Дива населба
Пет сведоци на обвинителството во вторникот давале исказ на судското рочиште за случајот „Дива населба“, односно судењето за судирот меѓу македонската полиција и вооружената група.
За новинарите на денешното рошиште немаше место во судницата во Кривичниот суд кадешто се одржуваше судењето. Минатите рочишта се одржуваа во големата сала во врховниот суд, но Кривичниот суд изјавија дека во последен момент биле известени дека салата во Врховниот суд се реновира и дека во судницата во Кривичниот суд имало место само за неколкумина новинари. Дваесетина новинари кои беа дојдени да го следат судењето се солидаризираа и одлучија да не го следат денешното рочиште бидејќи не им се обезбедени услови. На паузата од рочиштето, адвокатот на обвинетите Асмир Алиспаиќ изјави дека во судницата искази давале четворицата полицајци кои беа нападнати на караулата Гошинце и една жена од кумановската населба. Од Основниот суд Скопје 1 упатија извинување до претставниците на медиумите.„Бидејќи како суд бевме известени дека за денешната главна расправа не може да ја користиме салата во Врховниот суд, каде досега се одржуваше судењето, денешната расправа беше одржана во салата на Кривичниот суд која е со значително помал капацитет. Со оглед дека станува збор за предмет во кој обвинети се 29 лица, за тешки кривични дела и сите се придружувани од спроводници од установите каде ја издржуваат мерката притвор, а дополнително во салата се присутни и нивните адвокати, а имајќи го предвид просторното ограничување на судницата како и високиот степен на безбедност под кој се води овој предмет, во судницата немаше доволно простор за сите претставници на медиумите. Затоа беше предложено на главната расправа да влезат само дел од новинарите, но тие тоа го одбија за што како суд имаме целосно разбирање, но воедно бараме и разбирање од нивна страна за условите и ограничувањето на нашата судница“, се вели во соопштението од Судот.На судењето присуствуваа претставници на мисијата на ОБСЕ, Хелсиншкиот комитет за човекови права, Коалицијата сите за правично судење како и претставници на амбасадата на Косово во Скопје. За следното рочиште коешто треба да се одржи во четврток од судот најавија дека ќе биде обезбедена посебна просторија во Судот за новинарите и тие ќе можат да го следат судењето преку видео врска./крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.