Црна хроника
Ограбен колонијал во Куманово, арамија си заминал со богат плен од куќа во Боговиње
Арамија ограбил колонијал во вторникот во Куманово, откако претходно на вработените им се заканил со пиштол.
Сторителот влегол во маркетот, го вперил пиштолот кон една од вработените, но истата успеала да го притисне копчето за алармот. Откако сторителот забележал дека го притиснала алармот, ја удрил со рака во пределот на главата, заканувајќи и се дека ќе пука, и ѝ наредил да оди пред него до магацинскиот простор. Во магацинот нејзината колешка му ги дала парите од дневниот промет, по што истиот уште еднаш ја удрил во пределот на главата, излегол од маркетот и избегал во непознат правец.
СВР Куманово презема мерки за пронаоѓање на сторителот и за целосно расчистување на случајот.
Во друг случај, во периодот од 00.30 до 06.00 часот во, с.Боговиње во куќа сопственост на Џ.А. (51) непознат сторител извршил тешка кражба. Сторителот со погоден предмет го скршил цилиндерот од влезната врата, влегол внатре, извршил пребарување и од салонот одзел една јакна во која имало 20.000 евра во разни апоени, еден пар панталони во кој имало 20.000 денари во разни апоени, како и лични документи и една ташна во која имало 120.000 денари во разни апоени. Откако го извршил делото сторителот избегал во непознат правец.
Увид на местото на настанот извршила увидна екипа на СВР Тетово. Се преземаат мерки за пронаоѓање на сторителот и за целосно расчистување на случајот.
Во трет случај, поднесена е кривична пријава против П.М. (30) и З.К. (25), двајцата од с.Кривогаштани, поради постоење основи на сомнение за сторено кривично дело „тешка кражба“ и „тешка кражба во обид“. На 22/23.10.2016 година пријавените со употреба на погоден алат и физичка сила ги сториле делата во магацин за колонијална стока, лоциран на м.в. ,,Стопанство” во близина на Крушево, при што одзеле поголема количина на детергенти и други кондиторски производи во вкупна вредност од 30.000 ден, а додека во друг магацин не одзеле ништо. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредено 22-годишно момче, падналo од мопед на коловоз
Вчера вo 14.30 часот во СВР Скопје било пријавено дека на крстосницата од ул.„Методија Андонов- Ченто“ со сервисна улица која ги поврзува клучка Ченто и бул.„Александар Македонски“ М.Н. (22) од с. Арачиново,скопско, кој управувал мопед со тетовски регистарски ознаки, паднал на коловозот.
Во несреќата со тешки телесни повреди се здобил М.Н., констатирани во Комплексот клиники „Мајка Тереза“.
Извршен бил увид од увидна екипа од СВР Скопје.
Црна хроника
Тетовчанец агресивно се однесувал со полицаец кој вршел обезбедување на претседателските избори
Вчера во 18.45 часот полициски службеници од СВР Тетово пред влезот на основно училиште во Тетово го привеле Ѓ.Ј.(37) од Тетово, затоа што агресивно се однесувал кон полициски службеник кој вршел обезбедување при одржувањето на претседателските избори.
По документирање на случајот, ќе следува соодветен поднесок.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.