Педофил од Охрид намамил тринаесетгодишен ученик на Фејсбук и сексуално го злоставувал, ветувајќи му дека ќе му даде мобилен телефон „Ајфон“, соопшти СВР Охрид.

Злоставувањето се случувало од ноември минатата година, кога дваесет и петгодишниот педофил креирал лажен профил на Фејсбук „Kikolo giko“. Стапил во контакт со ученикот, му кажал дека има 24 години и дека ќе му даде мобилен телефон „Ајфон“ доколку дојде во неговиот дом лично да се запознаат, по што си размениле и телефонски броеви. По неколку дена, во телефонски разговор се договориле кога и каде лично да се запознаат. Нивната средба се случила кога оштетениот после училишните часови пристигнал пред куќата и заедно се упатиле на третиот кат.Педофилот се обидел со убави зборови да го убеди малолетникот на орален чин, а потоа му упатил  закани и го принудил тоа да го стори. По кратко време, на ист начин извршил полово дејствие врз малолетникот. Со ветување дека ќе му даде мобилен телефон, педофилот до 25-ти декември минатата година уште неколку пати го злоставувал детето. По пријава од мајката на малолетникот и во нејзино присуство, СВР Охрид во консултација со основното јавно обвинителство и Центарот за социјални работи, изврши разговор со оштетениот малолетник и неговите законски застапници.СВР Охрид изврши претрес во домот на злоставувачот од каде одземени се повеќе предмети, а на 5-ти овој месец извршено е препознавање на сега притворениот. Против него поднесена е кривична пријава за „Полов напад  врз малолетник кој не наполнил 14 години“, а Основниот суд Охрид му одреди мерка притвор во траење до 30 дена./крај/мвр