Црна хроника
Пет кривични пријави против шест лица во акцијата „Гора“
Единицата за економски и компјутерски криминал при СВР Скопје до ОЈО Скопје поднесе пет кривични пријави против шест лица поради постоење основи на сомнение за сторени осум кривични дела.
Станува збор за три “кражба“ (чл. 235 ст. 3) и по едно дело “кражба“ (чл.235 ст.3 в.в ст. 4), “фалсификување или уништување деловни книги“ по (чл.280 ст.1 ), “помагање“ в.в “кражба“ ( чл.235 ст.3 в.в. ст.4 в.в. чл.24), “фалсификување или уништување деловни книги“ од (чл.280 ст.2) и “злоупотреба на службена положба и овластување“ (чл.353). Притоа, констатирано е дека бесправно била исечена дрвна маса во количина од над 30 метри кубни огревно дрво, а причинетата штета е проценета на 196.000 денари.
Во првиот случај кривичнопријавен е Е.И. (64) од Скопје поради постоење основи на сомнение за сторено кривично дело “кражба“ (чл.235 ст.3). Тој со намера за противправно присвојување, од туѓа шума бесправно одзел повеќе стебла огревно дрво вид бука во количина од 12,30 метри кубни, и без соодветна документација и без жиг, истите ги складирал на својата нива во атарот на с.Патишка Река. Од страна на Шумската полиција дрвната маса, извршен разговор со пријавениот, а со наведеното дејствие пријавениот ја оштетил заедницата за 86.100 денари.
Во вториот случај кривично е пријавено лицето З.М. (58) од Скопје поради постоење основи на сомнение за сторено кривично дело “кражба“ (чл.235 ст.3), затоа што со намера за противправно присвојување, од туѓа шума бесправно одзел повеќе стебла огревно дрво вид даб, бука и габер, во количина од три метри кубни и истите ги складирал на своја нива во непосредна близина на својот дом во с.Држилово. Со наведеното пријавениот ја оштетил заедницата за 21.000 денари.
Во третиот случај кривично е пријавено лицето К.А. (47) од Скопје поради постоење основи на сомнение за сторено кривично дело “кражба“ (чл.235 ст.3). Пријавениот со намера за противправно присвојување, откако претходно од туѓа шума бесправно исекол повеќе стебла на дрва даб во количина од три метри кубни истите ги натоварил во ТМВ марка „Мерсцедес Фургон“ со скопски регистарски таблички по што се упатил да ги превезе до својот дом во с.Кондово, Општина Ѓорче Петров. Но во околината на граничен премин Чашка, Скопје, пријавениот бил запрен од полициски службеници од ПС за ГН Чашка, и по извршената контрола истиот е лишен од слобода во ПС за ГН Чашка. Со наведеното инкриминирано дејствие пријавениот ја оштетил заедницата за 21.000 денари.
Во четвртиот случај кривичнопријавени се лицата С.С. (32) од Куманово поради постоење основи на сомнение за сторени кривични дела “кражба“ ( чл.235 ст.3 в.в ст. 4) и “фалсификување или уништување деловни книги по (чл.280 ст.1) и С.М. (27) од Скопје за “помагање“ в.в “кражба“ (чл.235 ст.3 в.в. ст. 4 в.в. чл.24) и “фалсификување или уништување деловни книги“ од (чл.280 ст.2).
Имено, првопријавениот С.С., (управител на ДПТУ„СОКОЛ-АРЦ КОМ“ДООЕЛ с.Гошинце) откако претходно присвоил бесправно исечено од туѓа шума огревно букаво дрво во количина од 9.70 метри кубни, со намера да изврши легален превоз од неговиот склад за дрва во с.Гошинце до наводен купувач од општина Бутел, Скопје, односно до за него саканата денистинација, предметните дрва заедно со второпријавениот ги натовариле во ТМВ марка Мерцедес и додале уште 4 метра кубни буково дрво жигосани со број на жиг што С.С. предходно легално ги набавил. Со намера да го замаскираат незаконското дејствие С.С. во својство на управител изготвил и со свој потпис и печат на правното лице заверил испратница за превоз на огревно дрво во која внел невистинити податоци дека наводно траспортира дрвна маса во количина од 13 м3, а не 13,7 м3 колку што било натоварено и дека најмалку 80% од дрвото е жигосена со жиг, наводно издадена за сметка на Одобрение за сеча под број кој се однесува на одобрение за сеча кое всушност правното лице „Форест Инженеринг“ предходно му го издало на друго лице. Дури како возач на возилото со кое се врши транспорт навел друго лице иако знаел дека возач на возилото е второпријавениот. Така изготвената испратница со невистинети податоци истиот ден му ја дал на второпријавениот, кој во својство на возач се упатил кон Скопје за да изврши превоз на дрвата и предметната испратница ја употребил како вистинита при вршење на рутинска контрола на ТМВ на ул.„Бутелска“ во Скопје од страна на полициските службеници од ЕБПС. Со наведените инкриминирани дејствија пријавените ја оштетиле заедницата за 67.900 .00 денари.
И во петиот случај кривично е пријавено лицето Ф.Ј. (38) од Скопје поради постоење основи на сомнение за сторено кривично дело “злоупотреба на службена положба и овластување “ (чл.353). Пријавениот, во својство на службено лице-шумски полицаец во Шумска полициска станица Скопје, на сторител на прекршок му вратил ТМВ марка „ТАМ“ со скопски регистарски таблички, кое претходно врз основа на бесправен превоз на огневно дрво бука, било одземено од страна на полициските службеници од ПС ОН Кисела Вода и предадени на Шумска полиција за понатамошна постапка.
Пријавениот, иако бил дел од патрола на Шумска полиција која извршила контрола и мерење на дрвната маса, без да изготви никаков документ, му го вратил на сторителот на прекршокот предметното возило, при што ја одзел само дрвата маса во количина од 3,5 м3 огревно буково дрво кои ги предал во Агенција за управување со одземен имот. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стржанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.