Црна хроника
Пијани гости тепале обезбедување во казино

Двајца пијани гости се заканувале на персоналот во казино во центарот на Скопје, по што физички нападнале припадници на обезбедувањето, а во едне момент замавнувале и со нож.
Инцидентот во полиција го пријавил Д.П.(29) кој бил на работно место како обезбедување на имот и лица во казино „Адмирал“лоцирано на ул.„Никола Вапцаров.
Според него околу во петокот околу 19.40 часот во казиното „Адмирал“ влегле две непознати машки лица, во видно алкохолизирана состојба, и откако почнале да играат на масата за рулет едното од нив побарало алкохолен пијалок, по што од страна на вработената не му бил даден пијалокот.
Истиот започнал да се расправа со персоналот и да се заканува и во еден момент со тупаница го удрил Д.П. во пределот на градите, по што во нападот се вклучило и другото лице кое го удрило со тупаница во пределот на тилот, извадило нож на расклопување и почнало да замавнува, по што и двете лица почнале да го бркаат и повторно физички го нападнале удирајќи го со тупаници во пределот на телото.
Во тој момент пристигнал неговиот колега Д.Б. кој исто така бил нападнат од двете лица и бил удиран го со тупаници во пределот на телото. Се преземаат мерки за целосно расчистување на настанот. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.
Црна хроника
Пациент во Тетово нападнал лекар и полицаец во болница

Полицијата од Тетово вчера попладне го приведе М.М. (28) од селото Челопек, по пријава дека во Клиничката болница во Тетово агресивно се однесувал кон медицинскиот персонал и физички го нападнал Л.А. (31) од село Желино, лекар кој се обидувал да му укаже лекарска помош.
Според МВР, по пристигнувањето на полицијата, осомничениот продолжил со агресивното однесување и нападнал и еден од полициските службеници.
М.М. е задржан во полициска станица, а по целосно документирање на случајот против него ќе биде поднесена соодветна пријава.