Црна хроника
Полицијата откри 38 мигранти од Ирак, Мали, Нигерија, Того и Сирија
Министерството за внатрешни работи, минатава недела реализирало шест одвоени случаи на крумчарење мигранти во коишто против седум лица, меѓу кои и по еден романски, грчки и албански државјанин поднесе кривични пријави за “криумчарење мигранти“.
Откриени се 38 илегални мигранти на возраст од две до 66 години повеќето од Сирија (27) како и седумина илегални мигранти од Ирак, двајца од Мали и по еден од Нигерија и од Того. Тие се сместени во Прифатниот центар во Скопје, а од страна на Судија на претходна постапка на петмина од пријавените им одреди мерки притвор – за четворица во траење од по 30 дена а за еден во траење од осум дена.
Во првиот случај на автопатот Гевгелија – Скопје, сопрено е возило со скопски регистарски таблички “Шевролет круз“ сопственот на рент а кар компанија, а управувано од романскиот државјанин М.А.Г.(36) во кое се откриени и четворица илегални мигранти од Сирија, кои илегално од Грција влегле во Македонија во близина на ГП „Богородица“ со намера да стигнат до Србија.
Во вториот случај кривично пријавени се лицата М.Г.(21) албански државјанин и Х.Ф.(31) од Скопје кои со две патнички моторни возила на автопатот Гевгелија – Скопје се сопрени и спречени во обид да прокриумчарат девет мигранти од Сирија кои илегално од Грција влегле во Македонија со намера да стигнат до северната граница а од таму илегално да преминат во Србија.
Во третиот случај на локалниот пат село Богородица – Гевгелија во близина на месноста викана Понов мост сопрено е возила марка “Фолксваген Туарег“ со германски времен регистарски број управувано од М.С.(30) од скопско Студеничани кој превезувал 12 илегални мигранти (петмина од Сирија и седумина од Ирак) меѓу кои шест биле малолетни лица, деца на возраст од две до девет години.
Во четвртиот случај кривично пријавен е грчкиот државјанин А.Ф.(39) кој што на автопатот Е-75 кај месноста викана Авлач во близина на село Мрзенци управувајќи „Цитроен Саксо“ со грчки регистарски таблички е сопрен во обид да транспортира четворица сириски илегални мигранти, коишто претходно ги прифатил на локалниот пат Богородица-Гевгелија на местото викано Раскрсница Богородица со намера да ги превезе до границата со Србија.
Во петиот случај кривично е пријавен Ј.О. (23) од село Черкези кумановско којшто во близина на браната Паљурци на локалниот пат Богданци-Дојран, прифатил и сместил нелегални мигратни во камион „IVECO“ 35 S DAILY” со скопски регистарски таблчки. Иако на првичниот знак “стоп“ од страна на полициските службеници тој почнал да бега набргу бил сопрен и биле откриени четири илегални мигранти – двајца од Мали еден од Нигерија и еден од Того коишто требало да ги пренесе до село Лојане, кумановско.
И во шестиот последен случај кај местото викано надвозник Прждево на стариот пат Демир Капија – Неготино е забележано возило „Голф“ со скопски регистарски таблички управувано до пријавениот Ф.Н.(34) од Зелениково, скопско, во кое имало илегални мигранти. Возачот, односно пријавениот Ф.Н. иако ги дал документите на полициските службеници, по барањето да излезе од возилото почнал да бега, го стартувал возилото во правец кон Скопје, а документите останале кај полицискиот службеник.
Меѓутоа после два до три километри тој го сопрел возилото и почнал заедно со петмината сириски илегални мигранти да бегаат со трчање, по што мигрантите се фатени и пренесени во Прифатниот центар во Скопје. По два дена од настанот Ф.Н. е лоциран и приведен./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
МВР со опомена до 150 граѓани кои зборувале на телефон додека минувале на пешачки
Во периодот од 26.09.2025 до 07.11.годинава полициските службеници од СВР Скопје издале вкупно 150 опомени за граѓаните. Согласно проценките, динамиката и степенот на информираност и запознавање на граѓаните за измените во законската регулатива, во наредниот период се очекува отпочнување со изрекување на соодветни санкции, по целосното информирање на граѓаните за новите законски одредби.
Новите измени во Законот за безбедност во сообраќајот – пешачењето со телефон во рака или преминувањето пешачки со тротинет е прекршок кој се плаќа. Ако преминувате пешачки со мобилен телефон на уво или во рака – казната е 40 евра.
Ако возите тротинет, мотор или трактор со користење електронски уред – казната е 50 евра.
Црна хроника
Пожар зафати товарно возило во двор на фирма во Крушопек
Во првите часови по полноќ, на 8 ноември, во СВР Скопје било пријавено дека во двор на фирма во селото Крушопек избувнал пожар во товарно возило ман со скопски регистарски таблички, сопственост на фирмата.
Пожарот бил навреме изгаснат од екипи на Бригадата за противпожарна заштита. Нема повредени лица, а увид на местото на настанот ќе биде извршен во текот на денешниот ден.
Црна хроника
Жена падна во автобус и тешко се повреди
Педесет и седумгодишна скопјанка се здобила со тешки телесни повреди откако вчера паднала во автобус кој сообраќал по булеварот Кузман Јосифовски Питу во Скопје. Според пријавеното во СВР Скопје, жената била патник во автобус управуван од 59-годишен возач од Волково.
По падот, таа била пренесена во Градската општа болница Св. Наум Охридски, каде што и биле констатирани тешките повреди. На местото на настанот извршен е увид од увидна екипа на СВР Скопје.

