Црна хроника
Помала група одржа протести во Чаир
Помала група на демонстранти одржа протести во саботата изразувајќи незадоволство од судска одлука на Основниот Суд Скопје 1 за казнување на шесте обвинети за случајот “Монструм” со доживотен затвор.
За разлика од вчерашните протести кои беа масовни и се одржаа пред седиштето на судот, денеска помала група протестираше пред зградата на Општина Чаир.
Според изјави на очевидци, групата од стотина, претежно млади лица скандирала и фрлала камења кон припадниците на полицијата и општинската зграда.
Полицијата со употреба на шок-бомби успеала да ја растера групата.
Главната улица „Цветан Димов “ беше затворена од раскрсницата со улицата „Џон Кенеди“ кон општина Чаир.
Силно полициско обезбедување и денеска е присутно во тој дел од градот со цел да се оневозможи евентуална ескалација на протестите.
Во вчерашните нереди беа повредени 20 полицајци и неколку демоснтранти, а приведени се шест лица. /крај/
Извор: protesti, monstrum,
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.