Црна хроника
Притвор за двајцата крадци кои ограбија и убија кичевец
Триесетдневен притвор им е одреден на двајцата крадци кои пред десет дена го ограбија и убија седумдесет иседумгодишниот кичевец Зулфиќар М.
Против дваесетгодишниот и дваесет иедногодишниот кичевец е поднесена кривична пријава за „разбојничка кражба со последица лишување од живот“.На 9-ти февруари околу 20 часот, Зулфиќар ги затекнал двајцата крадци во неговата куќа на улица „Јосиф Јосифоски Свештарот“ во Кичево. За да ги задржат украдените предмети, 12.000 денари и најлонската кеса во која имало медалјони, синџирчиња и други метални предмети со жолта боја за кои мислеле дека се златни, крадците го нападнале сопственикот. Тие пронашле и украле и пиштол кој потоа го продале по цена од 200 евра. Најлонската кеса ја сокриле кај месноста Кошарани во Кичево, која подоцна е пронајдена при преглед, во присуство на Јавен обвинител од Основното јавно обвинителство Кичево. Безживотното тело на старецот го пронашол неговиот син кој при влегување забележал претурање на предметите од покуќнината, а во една од собите на приземјето го видел безживотното тело на неговиот татко. Смртта ја констатирал доктор од Општата болница од Кичево кој забележал видливи повреди во пределот на главата.На местото на кривично правниот настан, извршен е криминалистичко-технички увид во присуство на Јавен обвинител од Основното јавно обвинителство Гостивар, полициски старешини од СВР Охрид, вешти лица од одделот за криминалистичко технички испитувања и вештачења при Министерството за внатрешни работи како и полициски службеници од полициската станица Кичево. Притоа, констатирано е дека кривичното дело е извршено со насилно кршење на стакло од светларникот по што било извршено пребарување низ собите на приземјето и горниот кат. При извршувањето на делото, случен е напад врз животот и телото на сега починатиот сопственик на куќата. /крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.