Црна хроника
Пронајден мртов маж во автомобил со прострелна рана во главата
Во четвртокот вечерта полициски службеници забележале автомобил крај патот Гостивар – Кичево, а внатре нашле мртов маж со рана во главата и пиштол до него.
Имено, во четвртокот околу 20.15 часот на магистралниот пат Гостивар – Кичево, кај месноста Сеферов бунар, полициски службеници забележале паркиран автомобил марка „шкода фелиција“ со охридски регистарски ознаки, а до возилото бил пронајден починат М.З. (63) од село Трапчин Дол, кичевско, со прострелна рана во пределот на главата нанаесена од огнено оружје. Покрај него бил пронајден и пиштол.Увид на местото на настанот извршиле Јавен обвинител и екипа од Полициската станица Кичево. По наредба на Јавен обвинител, телото на починатиот е дадено за обдукција./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.