Припадниците на одделот за сузбивање орагнизиран и сериозен криминал при Министерството за внатрешни работи откриле шест странски државјанки кои непријавени работеле како танчарки во локалот „Кораби“ во Горно Седларци, тетовско.

Станува збор четири албански државјанки, една албанска и една косовска државјанка кои влегле во земјата нелегално. Тие сега се сместени во Центарот за странци и од страна на Секторот за гранични работи и миграции, и ќе им биде поднесена мерка „Забрана за влез во Република Македонија“.

Контролата била спроведена во рамките на акцијата за откривање незаконски вработувања и нелегален престој на странски државјани, а по неа против 37-годишниот е поднесена кривична пријава за сторено кривично дело„криумчарење мигранти“.Имено тој занел дека знаел дека девојките имаат забрана за влез во Македонија, ги прифатил, сместил и работно ги ангажирал како танчарки.

Во текот на извршената контрола во објектот биле пронајдени вкупно 16 девојки, кои работат во објектот како танчарки, келнерки и пејачки, од кои три македонски и 13 странски државјанки. При контрола на документите утврдено е дека шест девојки (пет од Албанија и една од Косово) немаат регулиран престој во Македонија, односно, четири девојки со потекло од Албанија, поседуваат активна забрана за влез во Македонија, додека една албанска и една косовска државјанка, немаат остварено регулиран влез во Македонија./крај/мф