Црна хроника
Скопјанец искршил такси возило и нападнал таксист

Скопјанец во петокот вечера околу 22 часот го искршил ветробранското стакло на такси возило и го напанал таксистот, соопшти МВР.
Додека таксистот се движел во центарот на Скопје на улицата „Метрополит Теодосиј Гологанов“ со такси возилото „киа сад“, триесет и едногодишен скопјанец му го пресекол патот.
Таксистот го опоменал бидејќи за малку ќе го прегазел, но скопјанецот се стрчал кон возилото и со тупаница удрил и го скршил ветробранското стакло, а кога излегол таксистот од возилото, го нападнал и него со удари со раце во пределот на главата и телото.
Потоа се обидел да го нападне и патникот во таксито, но тој успеал да избега.
На лице место интервенирале полицајци и го уапсиле скопјанецот кој давал отпот. Против него ќе биде поднесена соодветна пријава./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Штитеници во установа за згрижување деца имале сексуален однос пред 12-годишно дете

Вчера во 16:45 часот во СВР Скопје е пријавено дека во август 2025 година во соба во установа за згрижување на деца, 16-годишен штитеник и 15-годишна штитеничка на установата имале сексуален односи.
Според информациите од МВР, тие имале односи пред 12-годишен штитеник на установата, по што 16-годишникот му се заканил на 12-годишникот да не кажува никому.
Се преземаат мерки за расчистување на случајот.
Црна хроника
Ограбен автомобил на паркинг во Центар

Синоќа во 00:32 часот во СВР Скопје е пријавено дека е ограбен автомобил на паркинг простор на подрачјето на Центар во Скопје.
Според информациите на МВР, од патничко возило „мерцедес“ со скопски регистарски ознаки, сопственост на правно лице, одземена е актовка со пари, документи, печати и други предмети.
Се преземаат мерки за расчистување на случајот.
фото: илустрација
Црна хроника
Инцидент во Карпош: Му ги дупнала гумите на возилото на партнерот, а потоа и физички го нападнала

Маж од тетовско пријавил во полиција дека неговата партнерка му ги дупнала гумите на возилото, а потоа и физички го нападнала.
Доцна синоќа, во 03:20 часот во СВР Скопје, 44-годишен маж од тетовско пријави дека претходно околу 19:00 часот во Скопје, на подрачјето на Карпош, неговата партнерка со нејзиното возило удрила во неговото возило, а потоа со остар предмет му ги оштетила гумите на возилото и физички го нападнала.
Се преземаат мерки за расчистување на случајот.