Триесет иедногодишен скопјанец е уапсен во населбата Гази Баба со 1,5 килограми хероин. Тој е уапсен во моментот на купување на дрогата, а со него било уште едно лице кое успеало да ѝ избега на полицијата, соопшти МВР.

Двајца скопјани, А.М. (31) и И.Н. (21), на почетокот на декември во близина на општината Гази Баба биле забележани како од непознато лице превземаат најлонска кеса. Припадници на АЛФА се обиделе да ги легитимираат, но истите со возило избегале, при што навлегле во слепа улица во населба Гази Баба, каде А.М. е уапсен , а И.Н. успеал да избега. 

При извршениот преглед кај А.М. била пронајдена најлонска кеса со 1.496 грама хероин, а уапсениот одбил да даде појаснување од кого го купил и за кој  пазар бил наменет хероинот. 

Против него и против И.Н. кој сѐ уште е во бегство е поднесена кривична пријава за кривично дело „неовластено производство и пуштање во промет наркотични дроги, психотропни супстанци и прекурсори”. , а судија им одреди притвор од 30 дена. 

Инаку А.М. е сторител на тешки кражби на подрачјето на општина Центар, за што во периодот 2002/03 година му се поднесени 33 кривични пријави.крај/мф