Полициските инспектори најдоа 389 парчиња муниција калибар 7,62 мм долго зрно за автоматска пушка сокриена на дното на саксиите со цвеќе во дом на дваесет и шестгодишен жител на струшкото село Корошишта, соопшти СВР Охрид.

Муницијата била најдена летово на 18 јули, а против стружанецот е поднесена кривична пријава за недозволено изработување, држење и тргување со оружје или распрскувачки материи.Муницијата била сокриена во најлон кеси на дното на саксиите со цвеќе поставени во дворот пред влезната врата од семејниот дом. Во црвена најлонска кеса имало 188 парчиња, а во жолта вкупно 201 парче муниција за автоматска пушка. Муницијата била полиена со  вода останата над површината на земјата во саксиите.Одземеното оружје е предадено на вештачење во Министерството за внатрешни работи во Скопје од каде, по извршените анализи утврдено е муниција со калибар 7,62 милиметри е во исправна состојба и потекнува од Македонско, Југословенско, Кинеско, Бугарско и Германско производство и е наменета за автоматско оружје како и митролези со наведениот калибар. /крај/мвр/