Тројца албански државјани, 34-годишниот A.Г., и Б.Г. и А.Б., двајцата на возраст од 27 години, ќе добијат кривична пријава за сторено кривично дело „криумчарење“, соопштуваат од МВР.
 

Тројца албански државјани, 34-годишниот A.Г., и Б.Г. и А.Б., двајцата на возраст од 27 години, ќе добијат кривична пријава за сторено кривично дело „криумчарење“, соопштуваат од МВР.

Имено, во неделата во 21 часот за излез од држава на граничниот премин „Долно Блаце“ се пријавиле тројцата осомничени кои се превезувале со автомобил марка „Форд Фокус“, со италијански регистарски таблички. Од страна на УПС возилото било селектирано за дополнителна контрола, ставено на канал и заедно со царинските службеници од Царинската испостава „Блаце“  била извршена подетална контрола на возилото, при што во истото во посебно импровизиран простор во возилото биле пронајдени две пластични кеси.

Во едната биле откриени монети како и накит во вкупна тежина од околу половина килограм, а во втората кеса над триесетина парчиња машки часовници со различни марки („Ролекс“, „Патек Филипе“, „Омега“, „Спид Мастер“ и други) како и разни странски валути во различни апоени (англиски фунти, турски лири, канадски долари, австралиски долари…) во вкупна вредност од околу илјада евра.

Лицата се приведени и задржани, а постојат индиции дека наведените предмети кои со потврда за привремено одземени предмети биле одземени и дадени на вештачење потекнуваат од други кривични дела./крај/мф/бс