Скопјанец во својот двор одгледувал марихуана, а потоа ја продава на корисници. Но полицијата во понеделникот го уапсила и му запленила, марихуана, пари и оружје.

Дваесет и осумгодишниот скопјанец марихуаната ја засадил во својот двор на отворено а еден дел во пластеници лоцирани во нивата зад неговата семејна куќата. Стеблата ги одгледувал во пластениците помеѓу растенија од пченка и ги наводнувал преку систем капка по капка. Растенијата кои ги одгледувал на отворено ги покривал со сува пченка со цел да не се гледаат од далеку. Откако растенијата канабис созреале и оформиле цветови скопјанецот ги кастрел цветовите и дел од гранките, ги сушел, и подготвената опојна дрога марихуана ја продавал на уживатели на оваа дрога.Во средата бил направен претрес во домот, во нивата зад куќата, како и во гулабарник и во бокс за чување куче пронајдени се 33 стебла канабис со висина од едно до два метри, речиси 450 грама опојна дрога марихуана како и четири пластични гајби со исушени гранки и цветови од “канабис сатива“. Исто така откриени и пронајдени се вкупно 110 куршуми од кои 52 се пиштолска муниција кал 7,62х 25 мм, а 50 се пиштолска муниција кал 7,65 мм. Покрај ова, при претресот во домот на А.Ѓ. во подрумска просторија во буре со пченица пронајдена е стаклена тегла во која што во црна кеса се пронајдени 6.450 евра и 360.500 денари во различни апоени.  А.Ѓ. во средата е лишен од слобода во полициската станица Гази Баба каде во службените простории на Единицата за недозволена трговија е извршен разговор со него во кој тој не дал никакво појаснување за начинот на кој е сторено кривичното дело. Инаку досега во рамки на акцијата „Мрежа“ приведени и кривично пријавени се околу 130 лица а запленети се приближно 515 килограми разни видови дроги./крај/мф/мвр