Црна хроника
Запленети 499 штеки цигари, 55 илјади евра во чекови, златна нараквица…
Царинските службеници од граничниот премин Меџитлија спречија обид за нелегално изнесување на цигари, при што привремено задржаа 499 штеки цигари со вредност од околу 275 илјади денари, додека на граничниот премин Богородица, во два одвоени случаи биле задржани 55 илјади евра во чекови и една златна нараквица составена од 24 златни турски лири, со проценета вредност од околу 106 илјади денари.
Во неделата во пладневните часови, за излез од државата, граничниот премин Меџитлија, се пријавило патничко возило, марка BMW, со бугарски регистарски таблички, управувано од грчки државјанин, кој на прашање на царинскиот службеник, изјавил дека нема што да пријави за царинска контрола.
Поради сомневање во изјавата на возачот, а и поради тоа што возилото било со целосно затемнети стакла, царинските службеници го селектираа за детален преглед. Возачот, со кратко отворање и брзо затворање на вратата од багажникот, се обидел да го избегне прегледот, но на инсистирање на царинските службеници повторно го отворил багажникот и задните врати на возилото, при што откриени се неколку картонски кутии прекриени со кеси и палта, полни со цигари марка „monte carlo blue“ со македонски акцизни маркички. Возачот не поседувал никаков документ за цигарите, што според неговата изјава биле набавени во магацин во Скопје.
На граничниот премин Богородица, во два одвоени случаи, при контрола на две патнички возила пријавени за влез во државата, задржани се 55 илјади евра во чекови и една златна нараквица составена од 24 златни турски лири.
Во првиот случај, при контрола на патничко моторно возило со грчки регистарски таблички, со кое патувале двајца грчки државјани, во патна торба сместена позади возачкото седиште, пронајдени се неколку бели коверти со чекови со вкупна вредност од 62.500 евра, додека при личен претрес на возачот пронајдени се уште 2.500 евра во готови пари.
Согласно законските прописи, на возачот му се вратени 7.500 евра во чекови и 2.500 евра во готово, односно вкупно 10 илјади евра, износ што може слободно да се внесе во Македонија, додека 55 илјади евра во чекови се задржани.
Во вториот случај, при контрола на патничко моторно возило со германски регистарски таблички, со кое патувале двајца турски државјани, во несесер, сместен на задното седиште на возилото, сопственост на сопатникот во возилото, пронајдена е 1 златна нараквица составена од 24 златни турски лири, со маса од 100 грама и проценета вредност од околу 106 илјади денари.
Покрај тоа, во пет картонски кутии сместени во багажникот и на задното седиште, како и во багажникот на кровот на возилото и во просторот за алат и прва помош, биле пронајдени и непријавени 3 илјади пенкала, 50 ѕидни часовници и 50 машки елеци.
Покрај тоа, во текот на минатата недела и викендот, царинските службеници открија еден обид за влез на илегални патници и повеќе обиди за криумчарење стока, при што се облека, репроматеријали, модни додатоци, алкохолни пијалоци, семки од кајсија, чаеви, автоделови, сапуни, каписли за пиштоли и фалсификати./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен прилепчанец: ограбил манастир во Неготино
Вчера во 12:30 часот во Неготино, од страна на полициски службеници од ОВР Неготино од слобода е лишен 44-годишниот М.А. од Прилеп, по добиена пријава дека истиот ден околу 09 часот, со употреба на сила, одзел пари од манастирот „Св. Ѓорѓи“ во Неготино.
Веднаш по добиената пријава, преземени се соодветни мерки и активности и М.А. е лишен од слобода, а по документирање на случајот, ќе биде поднесена соодветна пријава.
Црна хроника
Уапсен скопјанец, запленети 300 теписони и стази без документација
Вчера полициски службеници од Мобилната единица за компезаторни мерки при Одделот за гранични работи и миграции на подрачје на СВР Охрид, поточно на место викано Подмоље го лишија од слобода А.Ј (52) од Скопје.
Имено, откако било сопрено товарно возило „форд транзит” со скопски регистарски ознаки, управувано од А.Ј., при преглед на возилото во товарниот дел пронајдени се 300 теписони и стази, без соодветна документација.
Лицето е лишено од слобода, а возилото и стоката се одземени.
По целосно документирање на случајот ќе биде поднесен соодветен поднесок.
фото: МВР
Црна хроника
Со возилото удрил во заштитна ограда а возел со 1,98 промили алкохол во крвта: уапсен кичевец
Вчера во 18:25 часот на магистралниот пат Охрид-Кичево, кај месноста „Копачка“, полициски службеници од ОВР Кичево го лишија од слобода О.М.(63) од Кичево.
Претходно, тој со патничко возило „пежо“ со кичевски регистарски ознаки, кое го управувал, излетал од патот и удрил во заштитна ограда, а при преземање мерки во врска со незгодата е констатирано дека е под дејство на алкохол, односно измерени му се 1,98 промили алкохол во крвта.
По целосно документирање на случаите против нив ќе бидат поднесени пријави по член 297-а од Кривичниот законик – „безобѕирно управување со моторно возило“, информира МВР.

